Minnkandi stuðningur við ESB aðild segir Steingrímur J....

19.2.2010 | 00:03

Minnkandi stuðningur við ESB aðild segir Steingrímur J. Samt skal haldið áfram að eyða hundruðum milljóna í umsóknaraðild.

Siengrímur J. segir minnkandi stuðning við aðild Íslands að ESB. Það kemur sterkara og sterkara í ljós að anstaðan við ESB magnast mjög. Miðað við yfirlýsingar sumra þingmanna Vinstri grænna er örugglega ekki lengur meirihluti á Alþingi fyrir umsókn.

Þrátt fyrir þetta allt skal haldið áfram á fullu með umsóknina og á næstu mánuðum mun allt snúast um umsóknar í ESB. Ráðuneytin verða sett á fullt í vinnu við undirbúningin. Allt embættismannakerfið verður á fullu í þessari vinnu og lítið annað kemst að.

Þingmenn og ráðherrar Samfylkingarinnar munu lítið gera annað en dunda sér við að lesa ESB plögg og láta sig dreyma um nætur hversu dýrðlegt það verður að sitja að allsnægtarborði með Bretum,Hollendingum og öðrum vinaþjóðum okkar,sem reynst hafa okkur svo vel í vanræðum okkar.

Það ætlar að verða okkur ansi dýrt að hafa Vinstri græna í ríkisstjórn. Þeir geta ekki skotið sér undan því að ábyrgðin er þeirra að við erum á fullu á leið í umsóknarfeerlið í ESB með öllum þeim gífurlega kostnaði sem því fylgir.Samfylkingin hafði ekki ein bolmagn til að koma málinu í gegn. Vinstri grænir versluðu með ESB og kokfleytu flestir til að sitja í ríkisstjórn.

Ég held að margir eigi erfitt með að skilja málflutning Vinstri grænna þegar þeir segjast vera mjög andvígir ESB og vita að svo sé um meirihluta þjóðarinnar,en samt verðum við að kosta miklu til og sækja um aðild að ESB.