Gylfi viðskiptaráðherra fann Skjaldborgina í bönkunum. Almenningur ekki orðið var við hana.

Jæja,þá er Gylfi búinn að finna Skjaldborgina í bönkunum. Gallinn er bara sá að almenningur hefur ekki orðið var við hana. Varla er hægt að kalla það Skjaldborg þótt Baugsfeðgum verði bjargað með 50 milljarða króna afskriftum. Varla er það Skjaldborg fyrir heimilin þótt Ólafur í Samskip fái fyrirtækið afhent til baka á Silfurfati.

Fyrir hverja eru bankarnir að vinna svona ofsalega gott storf eins og Gylfi viðsliptaráðherra segir. Auðvitað geta margir í Skilanefndunum verið ánægðir með sín kjör. Auiðvitað geta margir topparnir verið ánægðir sem sluppu við allar persónulegar ábyrgðir á lánum sem þeir tóku.

En almenningur er ekki ánægður með úrræðaleysi stjórnvalda. Almenningur sér ekkert nema hækkun skulda,lækkun launa,atvinnuleysi, hækkun verðlags og versnanadi lífskjör.

Almenningur hefur ekki séð Skjaldborgina sem Gylfi hrósar bönkunum fyrir.

 

 

Margt gott gert innan bankanna

Athugasemdir

[Sigurbjörg Eiríksdóttir, 25.2.2010 kl. 14:29]

Já Siggi, þetta eru orð að sönnu. Ég veit ekki hvar þetta endar. Það þrengir meir og meir að fólki og lítið sést til stjórnvalda. Frekar að einhverjir aðrir stappi stálinu í þjóðina.

Kveðja úr Heiðarbæ.