Klofnir Sjálfstæðismenn á Álftanesi og Sandgerði.

Sjálfstæðismenn á Álftanesi og Sandgerði ganga til kosninga í tveimur fylkingum. Merkilegt nokk að það skuli gerast í þessum tveimur sveitarfélögum þar sem flokkurinn viðhafði prófkjör.

Prófkjör er mun lýðræðislegri leið til að velja frambjóðendur á lista heldur en það séu fámennar uppstillinganefndir sem raða nöfnum á listann. Oft er það svo fámennur hópur sem samþykkir framboðslistann í sveitarfélaginu,kannski 10 manna fulltrúaráð.Það er ekki einu sinni haft fyrir því að boða til almenns fundar til að fá listann samþykktan.

Nú hefði maður ímyndað sér að vilji kjósenda Sjálfstæðisflokksins hefði komið alveg skýrt fram í prófkjörunum á Álftanesi og Sandgerði. Samþykki menn að taka þátt í prófkjöri verða þeir að hafa þann þroska að sætta sig við úrslitin þótt þeir nái ekki þeim árangri sem búist var við.

þessi staða er ömurleg fyrir Sjálftsæðisflokkinn í Sandgerði og á Álftanesi.

 

L-listi stofnaður á Álftanesi

Athugasemdir

[Sigurður Grétar Guðmundsson, 8.5.2010 kl. 14:01]

Bættu Sveitarfélaginu Ölfusi á listann, þar bjóða Sjálfstæðismenn fram tvo lista.

[Sigurður Jónsson, 8.5.2010 kl. 16:55]

Rétt og kannski eru þau fleiri. Það hefur væntanlega skýsrt í dag.

[Skúli Guðbjarnarson (IP-tala skráð) 8.5.2010 kl. 17:07]

Það er ákveðin ringulreið og sundurlyndi í samfélaginu. Ekki síst á Álftanesi. Í síðustu kosningum voru tvö framboð. Nú sennilega fimm. Það er of mikið mikið framboð á fólki til flestra starfa. Hér eru líka margir umsækjendur. Svo er að vona að hópur af góðu fólki beri gæfu til að vinna saman að hag samfélagsins.