Framtíðarsjóður til framtíðar.

Sveitarfélagið Garður á myndarlegan sjóð sem varð til við sölu hlutabréfa í Hitaveitu Suðurnesja. Samkvæmt ársreikningi sveitarfélagsins eru vaxtatekjur vegna þessara peniningaeignar að bjarga rekstrinum. Ef þessara vaxtatekna nyti ekki við væri bullandi halli á rekstrinum.

Í blaði N-listans sem kom út í kvöld ritar Benedikt efsti maður listans mjög málefnalega grein um nauðsyn þess að gæta vel að þessum framtíðarsjóði.

Það er mikið rétt. Miðað við alla óvissuna sem ríkir í þjóðfélaginu má alls ekki ganga á höfuðstól þessa sjóðs. Það máalls ekki koma inn sá hugunaháttur að það sé nú í lagi að taka eitthvað af höfuðstólnum til að nota í framkvæmdir.

Sumir segja. Það er bara fínt að eyða öllum sjóðnum í góðar framkvæmdir því sveitarfélögin á Suðurnesjum verða bráðum sameinuð. Þetta er hættulegur hugsanaháttur og gæti sett sveitarfélagið í verulega erfiða stöðu, því það liggur ekkert fyrir um sameiningu á næstunni.

Á laugardaginn verða svo kjósendur í Garðinum að ákveða hvoru  þeir treysta betur Ásmundi bæjarstjóra eða Oddnýju þingmanni  fyrir varðveislu framtíðarsjóðsins.