Er upprisa Davíðs framundan í Sjálfstæðisflokknum?

Nú styttist í landsfund Sjálfstæðisflokksins. Á fundinum verður kosinn nýr varaformaður og einnig verður kosið í embætti formanns,en eins og allir vita gegnir Bjarni Benediksttson því embætti nú.

Ýmsir koma nú fram með kenningar um að Davíð Oddsson hafi í huga að bjóða sig fram í  formannsembættið. Nokkuð vist er að hann fengi verulegt fylgi tæki hann þá ákvörðun. Einhvern veginn finnst mér nú samt frekar ótrúlegt að Davíð hafi þetta í huga.

Reyndar eru margir sem halda því fram að Bjarni sé allt of innviklaður í margt sem ekki var nógu gott í allri vitleysunni og það geti orðið honum erfitt til að gegna forystuhlutverkinu. Sjálfstæðisflokkurinn á í verulegum vanda eins og allir af gömlu flokkunum. Ætli Sjálfstæðisflokkurinn að gera sér vonir um að endurheimta sitt traust meðal kjósenda verður flokkurinn að taka á ymsum málum.

Ég sé t.d. ekki hvernig Guðlaugur Þór ætlar sér að sitja áfram. Guðlaugur Þór er mjög öflugur og mér finnst gaman að hlusta á hann. En almenningur getur ekki sætt sig við að sá sem þáði hæstu styrkina og það frá útrásarliðinu sitji áfram eins og ekkert sé.

Vel má því vera að tími upprisu Davíðs í formannsembættið sé runnið upp. Það myndi allavega fylgja honum hressileiki.

Athugasemdir

[lydurarnason (IP-tala skráð) 9.6.2010 kl. 18:05]

Sæll, Sigurður.  Davíð er að mínu mati miklu öflugri en núverandi formaður en myndi nokkur úr öðrum flokkum þora að starfa með honum?

LÁ

[Hrafna (IP-tala skráð) 9.6.2010 kl. 18:18]

Þá er ég hrædd um að vinstri flokkarnir og Davíðshatararnir munu ekki geta dregið andann fyrir hneykslun og forundran. Jóhanna sýndi það í kastljósþættinum hversu hrædd hún er við Davíð þegar hún kenndi öllu írafárinu um seðlabankaráðninguna upp á Davíð.

Grátlega fyndið hvað fólk getur vellt sér uppúr Davíð Oddssyni. Sumir sjá hann sem djöful í mannsmynd en aðrir sem sjálfan skaparann. Mikið held ég að Davíð skemmti sér nú yfir þessu öllu saman.

En þó ég yrði fegin að sjá hann koma aftur í stjórnmálin, þá veit ég ekki hvort Sjálfstæðisflokkurinn myndi þola það.

Guðlaugur ætti þó að taka pokann sinn og fara vilji hann hugsa fyrst og fremst um flokkinn. En ég skil það þó að hendur formannsins eru bundnar og getur hann því ekki krafist þess að Guðlaugur víki, enda lýðræðislega kjörinn í síðustu kosningum. Guðlaugur er þó að skaða flokkinn með setu sinni, eða það er amk mitt álit, þó hann sé eflaust fínasti drengur.

En ég hlakka mikið til að sjá hvort það verður af þessu með Davíð þó ég taki þessar fréttir nú ekkert allt of alvarlega.

[Hrafn Arnarson (IP-tala skráð) 10.6.2010 kl. 08:09]

Það er bráðnauðsynlegt að Guðlaugur Þór hverfi af þingi. Það er vanvirðing við þing og þjóð að hann skuli vera þarna. Guðlaugur er að mörgu leiti hæfur maður en greinilega með alvarlega siðferðibresti. Það væri afar óheppilegt fyrir stjórnmálin ef Davíð kæmi aftur. Stjórnmálin eiga að snúast um uppbyggingu og framtíðina en ekki fortíðina og hver gerði mestu mistökin.(t.d. hvað kostaði tæknilegt gjaldþrot Seðlabanka þjóðina; t.d. 175 milljarða.)