Hvað ætli forsetinn sem ætlaði ekki að veita fálkaorðu hafi nælt margar?

Á sínum tíma þegar Ólafur Ragnar var að hefja sína kosningabaráttu fyrir forsetaembættinu talaði hann fjálglega um að hann ætlaði að afnema orðuveitingar eins og fálkaorðuna. En eins og svo margt annað hjá Ólafi Ragnari hefur þetta breyst. Nú hefur hann verið forseta duglegastur við að hengja orður í menn.

Það er spurning hvers vegna á að veita  einstaklingum fálkaorðu fyrir að hafa stundað sína vinnu sómasamlega. Hvers vegna fær ekki verkamaðurinn sem mætir á hverjum morgni við að hreinsa göturnar fálkaorðu. Við myndum taka eftir ef enginn gerði það. Hvers vegna fær ekki ræstingarkonan fálkaorðu fyrir að halda öllu hreinu. Hvers vegna fær ekki bakarinn sem bakar ný brauð á hverjum morgni fálkaorðu. Mörgum myndi bregða í brún ef enginn væri til að baka brauð. Og svona mætti áfram telja.

Ég held einnig að mörgum finnist ansi lítið koma til þessarar orðuveitingar eftir að menn eins og Sigurður Einarsson og fleiri á hans sviði fengu fálkaorðu nælda í sig en eru nú eftirlýstir af Interpol.

Auðvitað á að veita orður fyrir björgunarafrek og jafnvel afrek á íþróttasviðinu, en það er della að ætla að velja úr ákveðna aðila úr hópi launþega þá sem eiga skilið frekar en aðrir að fálkaorðu.

 

Tólf fengu Fálkaorðuna

Athugasemdir

[Jens Guð, 17.6.2010 kl. 23:30]

  Ég tek undir skoðun þína á orðubruðlinu.  Hinsvegar minnist ég ekki að ÓRG hafi talað um að afnema orðuveitingar.  Mér finnst ég muna glöggt að hann hafi talað um vilja til að draga úr þessum orðuveitingum með sömu rökum og þú.  Málið er að forsetinn hefur ekki allt um þetta að segja.  Það er starfandi sérstök nefnd,  orðuveitinganefnd sem starfar sjálfstætt að mestu. 

  Vandamálið er að allskonar þrýstihópar í þjóðfélaginu liggja í þessari nefnd um að orða sé hengd á hinn og þennan.  Mér skilst að um eða yfir 90% orðuveitinga sé tilkomin vegna þessa þrýstings.  Mér er þó kunnugt um að ÓRG hafi óskað eftir að Björk og Ásmundur Jónsson,  lengst af kenndur við Gramm en nú við Smekkleysu,  fengju orðu.  Þau voru vel að því komin.  Það er að segja svo framarlega sem verið er að veita þetta glingur á annað borð.  

[Hrönn Guðmundsdóttir, 17.6.2010 kl. 23:35]

Þetta er akkúrat það sem ég vildi sagt hafa í mínu bloggi - algjörlega sammála þessari tímaskekkju enda er ég auk þess á því að leggja eigi þetta embætti niður með öllu! Við höfum ekkert við smákónga komplexa að gera - tuldur og prjál!

Við eigum enn í dag handhafa forsetavalds sem geta sinnt því að taka á móti tignum erlendum gestum - eins og áður!