Kommar eru,voru og verða alltaf kommar.

Merkilegt að Lilja Mósesdóttir skuli nú stíga fram og vitna um að VG og Samfylkingin eru ekkert annað en gamlir kommúnistaflokkar. Leiðtogarnir byggja flokka sína á að gagnrýni sé illa séð og það eigi að trúa og treysta því sem leiðtogarnir segja.

Öðru hvoru er kallað á nokkra útvalda til að klappa og hrópa húrra fyrir leiðtoganum.

Lilja lýsir einstaklega vel hugsunarhætti forystumanna Vinstri flokkanna í orðum sínum.

Steingrímur J. og Jóhanna eru eins og gömlu kommaleiðtogarnir. Gott að Lilja hefur séð þetta.

Svo þykjast þessir Vinstri flokkar vilja lýðræðislega umræðu. Hafa menn virkilega trú því að Jóhanna og Steingrímur J. komi til með að hlujsta mikið á niðurstöður Stjórnlagaþingsins verði tillögurnar ekki í þeirra anda.

Líkjast kommúnistaflokkunum

Athugasemdir

[hilmar jónsson, 22.11.2010 kl. 00:14]

Sjálfstæðismenn eru, voru og verða alltaf afætur á þjóðfélaginu Sigurður. Nóg er af dæmunum...

[stefán benediktsson (IP-tala skráð) 22.11.2010 kl. 00:35]

"Leiðtogarnir byggja flokka sína á að gagnrýni sé illa séð og það eigi að trúa og treysta því sem leiðtogarnir segja.Öðru hvoru er kallað á nokkra útvalda til að klappa og hrópa húrra fyrir leiðtoganum." Munið krakkar að ef þið verðið vör við svona háttalag þá eruð þið á kommafundi, hún Lilja segir það.

[Magnús (IP-tala skráð) 22.11.2010 kl. 08:30]

Sigurður og Hilmar, mikið væri nú heimurinn einfaldur og lítil ástæða til ótta ef þetta væri svona eins og þið segið, svo ég skil þið viljið stinga hausnum í sandinn og trúa því, en ef þið hlustið smá á sannleiksástina í brjósti ykkar vitið þið báðir innst inni að þið eruð bara að bulla. Það eru til gamlir komma sem eru orðnir hægrimenn og hægrimenn sem urðu kommar, já, alvöru kommar, ekki "Vinstri Grænir". Það er ábyggilega meira að segja einhvers staðar til Framsóknarmaður sem gerðist nazisti, eða Stalínisti sem gerðist anarkisti. Enginn er óbreytanlegur, og fólk skiptir um stjórnmálaskoðanir og trúarbrögð eins og nærbuxur á okkar undarlegu tímum. Hafið þið aldrei hitt einstaklinginn sem "var kristinn, en gerðist heiðinn, og er núna búddhisti". eða trúleysingjann sem "sá ljósið" og gekk í ofsatrúarsöfnuð? Þeim fer fjölgandi sem eru eins skrautlegir í stjórnmálum sínum nú í ringulreiðinni og örvæntingunni, rétt eins og litlu börnunum sem eru bæði hvít, svört og gul, hljóta bæði kristið og hindúíst uppeldi, etc þá fjölgar öllum öðrum tegundum af marghliða einstaklingum í dag og sú þróunn mun líklega bara aukast og ná meiri hraða út um allan heim.

En það er hvorki hægri né vinstri sem skiptir máli, heldur heiðarleikinn, svo vonum að Lilja Mósesdóttir stofni sitt eigið framboð. Þá mun ég kjósa hana, sem hef reyndar næstum alltaf kosið Sjálfstæðisflokkinn. En fyrir mér skiptir fólk meira máli en stefnur, og ég myndi gera undantekningu fyrir jafn vandaðan einstakling.

[hilmar jónsson, 22.11.2010 kl. 10:40]

Hvenær ætlar fólk að fara að átta sig á lýðskrumurum Magnús. Ættum við ekki að vera búin að fá næga kennslu ?

Við skulum ræða um Lilju eftir 1-2 ár..

[Kjartan Sigurgeirsson, 22.11.2010 kl. 11:45]

Stundum blöskrar manni hversu grunn og yfirborðskennd umræða vinstri manna er hér á bloggi, það er mér til dæmis fullkomlega óskiljanlegt hvað það kemur umræðu um vanhæfi eða ágöllum núverandi ríkisstjórnar við hvort Sjálfstæðisflokkurinn samanstendur af afætum eða einhverju öðru. Svo og fullyrðingar um að Lilja sé lýðsskrumari, hefur hún sýnt það af sér, eða er það eingöngu vegna þess að hún er ekki samstíga Steingrími J., sem gaf kjósendum sínum loforð um það undanfarinn áratug og með sérstakri áherslu fyrir síðustu kosningar að það komi aldrei til greina að ljá því máls að Ísland gangi í ESB. Hann gaf líka loforð um að hann styddi aldrei að greiða skuldir óreiðumanna (Icesave) auk þess sem hann gaf í skyn að um leið og hann kæmist til valda yrði AGS sent úr landi.  Hver er lýðsskrumari?????

[Aðalsteinn (IP-tala skráð) 22.11.2010 kl. 18:37]

Lýðskrum segið þið? Hvaða "lýðs" höfðar hann til? Jú, flokkshunda, sauða og mannvitsbrekkna, sem ekki geta hugsað sjálfstætt, heldur hugsa innan hins nýþrönga, hægri/vinstri ramma, ellegar einhverra bókstafstrúar. Það er enginn munur á manni sem ER sósíalisti eða frjálshyggjumaður, og manni sem ER í Krossinum eða ER harðlínu múslimi, allt sníst þetta um takmarkanir sjóndeildarhrings síns og þar með sjálfs síns. Hugsandi fólk hugsar ekki svona og hefur aldrei gert. Alla mannkynssöguna hefur mannkynið fyrst og fremst skipst í tvennt, sauðirnir og hinir. Það er enn þannig, en nú fá sumir sauðirnir menntun sem þeir eru mataðir á og fá þannig þá sjálfslbekkingu að þeir séu hugsandi menn sem taki sjálfstæðar ákvarðanir. Þannig fólk er stórhættulegt lýðræðinum, því það er sauðir án þess að vita það, og verður alltaf mestu þrælarnir, fastrírðustu strengjabrúðurnar, sem auðveldast er að kippa í spottan á, mikið auðveldara en hinum, en þau bara vita það ekki. Þetta eru svona plebbar sem vita ekki þeir eru plebbar. Og þannig maður er Hilmar og fleiri hér, því miður. Síðan tyggir lýðurinn orð sem hann skrumstælir án þess að skilja. Orðið "lýðskrum" er oft notað til að gera lítið úr þeim stjórnmálamönnum sem verðskulda vinsældir almennings og reyna að auka frelsi hans og bera raunverulegan hag hans fyrir brjósti. Þetta er jafn órökrétt og fáránlegt og þegar fasistar sem vilja hámarksritskoðun og öryggisgæslu sem brýtur á einkalífi og mannréttindum, fara að réttlæta það með tilvist öfgamanna á borð við þeirra sjálfra, talibönum eða jafnvel gamla Hitlers lumman. Svona fólk getur ekki hugsað, og er að eðlisfari þrælar, þrælslundin er það sterk í þeim það er ekki hægt að reka hana út úr þeim. Þannig fólk ber enga frelsisást í brjósti, og mun aldrei gerast talsmenn frelsis, nema til að skrumskæla það og nota til að bregða gildrum fyrir aðra og auka ófrelsi þeirra. Þannig verður allt gott að illu í höndum þeirra, ekki afþví þau séu svo vond, þau eru bara svona heimsk og smá og miklir þrælar í sér.

Helsti óvinur íslensku þjóðarinnar í dag eru ekki stjórnmálamenn og glæpamenn, NEI, það eru FLOKKSHUNDARNIR, fylgismennirnir, geltandi seppar og leppar , sem eru hættulegir þessari þjóð, og það verður að koma þeim í skilning um að þrælslund þeirra er ósæmileg á almannafæri og stuðningur þeirra við svona heimsku og ofstæki eins og Fjórflokkinn er fyrirlitinn af íslensku þjóðinni, sem er enn að mestu öfgalaus, skynsöm, og fær um að hugsa út fyrir kassa.

[hilmar jónsson, 22.11.2010 kl. 20:19]

Já Aðalsteinn, talandi um öfga. Þessi steypa þín ber öfga eðli þínu glöggt vitni, og að kalla þess konar eðli skítlegt, nei það þarf hreinlega sterkari orð til...

[Aðalsteinn (IP-tala skráð) 22.11.2010 kl. 20:29]

Skítlegt eðli? Ja, ekki eru sauðirnir frumlegir og éta jafnan bara upp verstu molana og þurrustu frá húsbændum sínum, enda sjálfir ófærir um frumlega hugsun, né gagnrýni á hvers konar orð eru þess virði að hafa þau eftir, eða ekki. Páfagaukurinn þinn. Ég hló bara :)

[Aðalsteinn (IP-tala skráð) 22.11.2010 kl. 20:31]

Þetta er svona. Farðu bara að horfa í kringum þig. Það eru til hópsálir og frjálsir menn. Ekkert annað. Engu skiptir hvort maður gangi í stjórnmálaflokk eða sértrúarsöfnuð eða mótorhjólagengi. Það er allt sama manntegundin og jafn gagnslaus og langt frá því að vera "maður" í orðsins fyllstu merkingu, en minnir frekar á taminn apa.

[hilmar jónsson, 22.11.2010 kl. 20:35]

Skondin tilviljun: Ég sé þig einmitt fyrir mér sem apa, og sennilega líka í sértrúarsöfnuði. Er ég ekki nokkuð nálægt sannleikanum um þig Aðalsteinn ?

[Aðalsteinn (IP-tala skráð) 22.11.2010 kl. 20:41]

Þú munt ekkert komast áfram í lífinu drengur minn ef þú hættir ekki að taka allt persónulega. Þín persóna skiptir litlu máli í stærra samhengi hlutanna. Ég nefndi þig eingöngu sem dæmi, afþví svo vildi til þú komst með þetta comment hér á undan. Ef þér sárna athugasemdir ókunnugs fólks persónulega ættir þú að kíkja til geðlæknis. Það er aftur á móti oft ástæða til að vara menn við blindri fylgispekt við einhverja foryngja, eins og sá sem þú af vanþroska sýnir Steingrími, líkt og unglingsdrengur sem hefur það lélega sjálfsmynd hann þarf að hengja sig á einhverjar poppstjörnur og baða sig í lánuðum dýrðarljóma þeirra, eða lítill pabba strákur sem getur ekki staðið á eigin fótum, og þarf því stöðugt að minna alla á hvað pabbi sé stór og sterkur. Þetta er stór hættulegt, en það er ekki persónulegt gagnvart þér að hafa orð á því. Hans Gunther var eflaust góður og gegn maður, við börn og hunda, táraðist þegar hann hlustaði á tónlist og las fögur ljóð, og var ágætis gáfum gæddur, ...en ef hann var nú samt nazisti er sjálfsagt að líta ekkert framhjá því. Nazistar voru almennt bara ágætis fólk, líkt og aðrir flokkshundar. Það eina sem var slæmt í fari þeirra flestra var þessi fylgispekt við leiðtoga, en án slíks hefði flest ódæðis verk aldrei verið framinn, það eru flokkshundarnir sem færa forystu sinni slík öfgavöld. Og í dag eru allar tegundir flokkshunda stórhættulegir íslenskri menningu, sem mun aldrei bjargast nema þjóðin fari að hugsa sjálfstætt, sem gerist ekki með því að ganga í stjórnmálaflokk og segja bara Amen á eftir efninu eins og fáviti. Ég hef aldrei gengið í neinn klúbb "fólks sem hugsar eins", enda forheimskandi að umgangast apa um of.

[T.O. (IP-tala skráð) 22.11.2010 kl. 20:44]

Persónukjör mun stuðla að jöfnu og réttláttu þjóðfélagi, sem virðir einstaklinginn á eigin grundvelli, burt séð frá stétt og stöðu, eða goggunnarröð hans í einhverjum forheimskandi klíkum sem takmarka sjóndeildarhring hans. Þar til persónukjör kemst á, munum við lifa í samfélagi sem vanvirðir einstaklinginn og gildi hans.

[hilmar jónsson, 22.11.2010 kl. 20:47]

Það er þá kannski líka spurning Aðalsteinn hvort þeir sem treysta sér ekki til að ausa skít undir fullu nafni ættu ekki að líta við á sjálsryrkingarnámskeiði ?

[hilmar jónsson, 22.11.2010 kl. 20:48]

Sjálfstyrkingarnámskeiði, átti það að vera..

[Aðalsteinn (IP-tala skráð) 22.11.2010 kl. 20:51]

Ég bið Hilmar Jónsson afsökunar. Þú fyrirgefur þetta vonandi Hilmar. Þetta var ekki meint persónulega, enda þekki ég þig ekki, og get heldur ekki getið mér til um þig út frá skrifum þínum að sama marki og ég sagði í hita leiksins.

En þú verður að athuga að reiði fólks út í Fjórflokkinn og þessa örfáu fylgismenn hans sem eftir eru, stafar bara af ótta, reiði og skynsemi. Ótta og reiði því framtíð landsins er glötuð í höndum fjórflokksins. Hrunstjórnin sýndi hvað hún var stórhættuleg, og Vinstri stjórnin hvað hún er siðlaus með að vera....tja, eitthvað allt, allt annað en "vinstristjórn" og troða á réttindum fólks meðan milljörðum er eytt í hluti eins og ESB, sem er algjörlega siðlaust í núverandi ástandi, án þess að einu sinni spyrja fyrst hvort fólk vilji borga svo dýru verði fyrir "kynninguna" svokölluðu, sem við vitum allir hvað verður í raun...

Skynsemi afþví eins og máltækið segir er mesta heimska sem hugsast getur að gera sama hlutinn tvisvar eins og búast við annarri niðurstöðu og afleiðingum. Við höfum nú gefið öllum flokkunum tækifæri og þeir hafa allir klúðrað því. Það væri heimskur maður sem gæfi þeim annað tækifæri. En ég hef þá trú bráðum renni ljós upp fyrir jafnvel heilaþvegnustu flokksmeðlimum, og er ég þá ekki að telja þig í þeim hópi.

[hilmar jónsson, 22.11.2010 kl. 21:03]

Ok Aðalsteinn: Sammála því að 4flokkakerfið er sýna marga vankanta og ekkert væri ég ánægðari með en ef eitthvað skilvirkara og ferskara kerfi gæti leist þá af hólmi.

En það er erfitt að koma auga á það. En ég viðurkenni það fúslega að það getur gert mig fjúkandi að verða vitni að því hvernig hrunflokkarnir reyna á alveg ótrúlega lágreistann og ósvífinn hátt að fegra sinn þátt í hörmungunum og draga niður og ýkja það björgunarstarf sem aðrir hafa þurft að koma að. Það ber ekki á miklu samviskubiti þar eða viðleitni til að koma til hjálpa. Nei það skal reynt hvað hægt er að ala á tortryggni og niðurrifsáróðri í stað þess að andskotast til að taka ábyrgð á gjaldþroti heils þjóðfélags. ( Svona aðeins til að útskýra pirringinn í mér ) Annars sama hér stóru orðin ekki illa meint. kv..