Framsókn hlýtur að bjarga eigin afkvæmi.

Framsóknarflokkurinn er sá aðili sem ber höfuðábyrgð á því að á Íslandi er tær Vinstri stjórn. Á sínum tíma hélt Framsóknarflokkurinn að hann væri að gera þjóðinni mikið gagn með því að koma á minnihlutastjórn Samfylkingar og Vinbstri grænna. Það var forsendan fyrir því að við sitjum nú uppi með tæra Vinstri stjórn í landinu.

Sennilega má kenna reynsluleysi Sigmundar Davíðs of fleiri í Framsókn um að þau töldu að hægt væri að treysta orðum Jóhönnu og Steingríms J. Nú eru þau væntanlega reynslunni ríkari.

Samt sem áður má telja verulegar líkur á því að Framsóknarflokkurinn muni leggja mikið á sig til að bjarga þessu vinstra afkvæmi sínu. Ekki þorir Framóknarflokkurinn í þingkosningar. Framsóknarflokkurinn hefur í gegnum tíðina verið tilbúinn að fórna ansi miklu til að komast í ráðherrastólana.

Það eru því yfirgnæfandi líkur á því að Framsóknarflokkurinn lengi líf síns eigin afkvæmis Vinstri stjórnarinnar um nokkra mánuði.

Misvísandi skilaboð um samstarf