Er í lagi að yfirtaka Alþingi með skrílslátum?

Alveg er hreint ótrúlegt að heyra suma af forystumönnum Vinstri manna gera lítið úr skrílslátum sem urðu þegar hópur réðist inná Alþingi með ofbeldi og skrílslátum. Það er eins og sumum forystumönnum Vinstri flokkanna finnist þetta vera eitthvert grínatriði sem ekkert eigi að gera úr. Átti lögreglan að láta þetta allt óátalið. Áttu ofbeldishópurinn bara að fá að yfirtaka Alþingi eins og ekkert væri.

Á engin að sæta ábyrgð vegna árásar á Alþingi ? Merkilegt að forystumönnum Vinstri manna skuli finnast eðlilegt að þingmenn taki nú framfyrir hendur þingsins og felli niður ákærur. Vilja þeir afnema dómstóla og lögreglu þegar þeim hentar?

Það eru svo ansi alvarlegar ásakanir þegar haldið er fram að þingmenn og jafnvel ráðherrar hafi verið með í skipulagningu mótmæla og jafnvel verið með hvatningaorð til þeirra sem voru að ráðast til inngöngu á Alþingi. Það hlýtur að vera rannsóknarefni.

Komið í veg fyrir að Alþingi yrði hertekið

Athugasemdir

[Sigurður Haraldsson, 23.1.2011 kl. 14:06]

Sæll nafni þú segir nokkuð! Hvað gerðu þingmennirnir og ráðherrar þegar sýnt var að hér valsaði hópur manna í kerfi sem þeir bjuggu til handa þeim sama hópi og hreinsaði úr því alla peninga löglega vegna þess að undirbúningur að því stóð í ára tugi með aðkomu fjórflokks spillingar og einkavinavæðingar! Svo koma nokkrir einstaklingar og kalla af þingpöllum komið ykkur út þá verður allt vitlaust hjá lögreglu og síðan dómsvaldi sem er klárlega spillt! Er þetta eðlilegt ástand eins og nú er því að ekki hefur tekist að finna krónu af þýfinu né dæma einn einstakling fyrir hreinsun úr hagkerfi heillar þjóðar heldur eru teknir níu einstaklingar úr og dæmt yfir þeim, nei hér er um prinsipp atriði að ræða að eitt nái yfir alla þessir níu verði ekki teknir og dæmdir fyrir að verjast mafíunni sem her er allt að drepa, fyrstir allra og hinir eiginlega seku ganga lausir með þýfið og fá að valsa um kerfið nær ó á reittir!

[Ómar Bjarki Smárason, 23.1.2011 kl. 15:37]

Þeir sem réðust á þjóðina og arðrændu hana ganga enn lausir og munu væntanlega gera það væntanlega lengi áfram.... Það er verulegt umhugsunarefni hvort það komi nokkuð til með að breytast í þessu landi fyrr en Alþingi og Stjórnarráðið verður tekið yfir. Það gæti hugsanlega gerst í kjölfar dóma yfir hinum svokölluðu 9-menningum. Það endar með því að almenningur gefst upp á meðvirkni og aðgerðarleysi stjórnvalda og það þarf e.t.v. ekki mikið til að úr litlum neista verði mikið bál.... Ekki það að ég sé byltingarsinni, en ég get vel skilið þá reiði sem undir kraumar í þjóðfélaginu og það þarf ekki mikið til að upp úr sjóði....

Það verður t.d. fróðlegt að fylgjast með til hvaða ráða kerfið grípur til að snúa við nýlegum dómum sem féllu stofnfjáreigendum í hag! Varla verður það látið við gangast að bankarnir og þeir sem þeim stýrðu beri einhverja ábyrgð....Það er spurning hvort þeim sem ráðgjafar bankanna ráðlögðu að kaupa hlutabréf í vonlausum fyrirtækjum verður ekki stefnt í framhaldinu og þeir látnir bera þá ábyrgð sem þeim ber og þáðu drjúg laun fyrir. Varla geta þeir bæði sleppt og haldið....

Þjóðinn vill sanngjarnara þjóðfélag sem hefur hag þjóðarinnar allrar að leiðarljósi en ekki bara hagsmuni þeirra fá og stóru.... Sá tími er liðinn líkt tími ríkisstjórnar Jóhönnu Sigurðardóttur.....!

[Sigurður Haraldsson, 23.1.2011 kl. 16:42]

Hárrétt Ómar.