Bjarni samkvæmur sjálfum sér.

Margir gagnrýna Bjarna formann Sjálfstæðisflokksins telja hann nú vera að svíkja það sem hann áður hefur sagt. Það er ekki rétt. Ég hef nokkrum sinnum setið á fundum þar sem Bjarni talaði um Icesave. Hann sagði alla tíð að meta þyrfti hvort þaðþjónaði hagsnmunum landsins betur að ganga til samninga heldur en taka áhættuna á dómstólaleiðinni. Hann er því samkvæmur sjálfum sér.

Aftur á móti er ég þeirra skoðunar að vísa eigi málinu til afgreiðslu þjóðarinnar. Það er eina rökrétta í stöðunni. Þjóðin hafnaði síðasta Icesave samkomulagi. Nú er það mat margra að á borðinu sé mun hagstæðari samningur, og það sé kalt hagsmunamat að betra sé að samþykkja hann heldur en ekki.

Þjóðin sjálf verður að fá að segja skoðun á því.

Lýsa stuðningi við Bjarna

Athugasemdir

[Sigurður (IP-tala skráð) 5.2.2011 kl. 19:08]

Bjarni er ekki svo mjög gagnrýndur fyrir að hafa svikið sín eigin orð, heldur stefnu flokks síns. Og mér finnst túlkun hans á landsfundarsamþykkt um Icesave nálgast útúrsnúning. Sérstajkega í ljósi þess, að fundurinn breytti upphaflegri tillögu, til að gera hana afdráttarlausa og koma í veg fyrir síðari túlkun eftir hentugleikum. Vingjarnleg kveðja.

[Númi (IP-tala skráð) 5.2.2011 kl. 22:37]

Sigurður,nú ert þú orðin einsog goðið þitt hann Bjarni Vafningur=semsagt:  Umsnúningur.

[Eyjólfur G Svavarsson, 6.2.2011 kl. 00:59]

Það sem skiptir máli er að standa við það  sem  um  var samið á landsfundinum. annars þarf enga landsfundi. Og svo er líka álitamál hvort stjórnmálamenn yfir höfuð hafi trúnað almennings. Og meðan svo er, verður að bera  þetta mál undir þjóðina annars missa þeyr enn meyri trúnað og er ekki á bætandi!!!!!

[Þórir Kjartansson, 6.2.2011 kl. 13:42]

Það er nú gömul saga og ný að þingmenn og ráðherrar hafa oft lag á því að smeygja sér fram hjá óljósum  landsfundarsamþykktum.  En Bjarni hefur með þessu unnið sér inn marga punkta hjá mér.  Ég er 100% sammála Þorsteini Pálssyni um að hann hafi styrkt sig verulega  til framtíðar með þessari afstöðu sinni.  Ef að menn ætla aftur að gera Sjálfstæðisflokkinn að því sem hann áður var í íslenskum stjórnmálum verða menn að losa sig við vofu Davíðs sem  enn gengur þar ljósum logum flestum til leiðinda og hrellingar.