Vill Sjálfstæðisflokkurinn verða lítill flokkur?

Í dag mun verulega reyna á þingflokk Sjálfstæðisflokksins. Atkvæði verða greidd um nýjasta Icesave samninginn og miklar líkur á að hann verði samþykktur. Það sem skiptir mestu máli í atkvæðagreiðslunni í dag er hvernig atkvæði falla um að vísa málinu í þjóðaratkvæðagreiðslu. Það er algjört lykilatriði að þjóðin fái að kveða upp sinn dóm hvort samþykkja eigi Icesave eða fella.

Sjálfstælðisflokkurinn verður hreinlega að samþykkja tillögu um að vísa málinu til afgreiðslu þjóðarinnar. Afstaða þingmanna til þjóðaratkvæðagreiðslu ræður miklu um framtíð flokksins. Það liggur alveg ljóst fyrir að mikill meirihluti þjóðarinnar telur eðlilegt að þjóðaratkvæðagreiðsla fari fram. Sífellt fjölgar þeim sem skrifa undir slíka áskorun.

Sjálfstæðisflokkurinn má ekki leyfa sér að ganga gegn vilja almennings. Hafni þingmenn Sjálfstæðisflokkurinn þjóðaratkvæðagreiðslu mun það leiða til mikils fylgistaps.

Skora á þingmenn

Athugasemdir

[Birgir Viðar Halldórsson, 16.2.2011 kl. 11:37]

Siggi, ég get ekki verið meira sammála.

[Adda Þorbjörg Sigurjónsdóttir, 16.2.2011 kl. 11:39]

Auðvitað á þetta að fara í þjóðaratkvæðagreiðslu. Alþingi hefur ekki umboð til að senda óútfylltan víxil frá sér enda líklega brot á stjórnarskrá. Ískallt mat eða ekki þá er málið of stórt til þess að það fari ekki í þjóðaratkvæðagreiðslu.

[Friðrik Hansen Guðmundsson, 16.2.2011 kl. 11:45]

Sammála Sigurður.

Vandamálið er bara að Bjarni Ben og fleiri þingmenn flokksins eru hugsanlega búnir að leika af sér í þessu máli með ótímabærum yfirlýsingum sínum.

[Eggert Guðmundsson, 16.2.2011 kl. 11:57]

Það kom fram áhugaverður vinkill á þennan samning hjá Pétri Blöndal í nótt. Hann telur að ríkisstjórn hafi ekki heimild skv. Stjórnarskrá, að samþykkja þennan samning, þar sem ekki er vitað um endanlega upphæð á skuldbindingu ríkissins.  

Ég vona  að þingmenn fari nú ekki  að brjóta Stjórnarskrá Íslands.