Er eðlilegt að eyðileggja metárið í ferðaþjónustu ?

Það bara gengur ekki að flugmenn og Icelandair skuli ætla að eyðileggja fyrir þjóðinni þá miklu möguleika sem bundnar eru við metár í ferðamennsku. Svona verkfall hefur gífurlega neikvæð áhrif og það mun taka langan tíma að vinna upp tjónið.

Nú er það svo að flugmenn teljast vart til lægst launuðu hópa í landinu. Það fer því illa í aðra landsmenn að hálaunahópar telji nauðsynegt að grípa til verkfallsaðgerða á meðan lægst launuðu hjóparnir semja án verkfalla.

Vel má vera að deilan snúist að einhverju leyti um atvinnuörggi og að fleiri flugmenn verði að vera á launum allt árið en hafi ekki bara vinnu á sumrin. Auðitað getur maður skilið þá baráttu en einnig er auðvelt að skilja afstöðu Icelandair að erfitt er að vera með fullt á flugmönnum á launaskrá þegar minna er að gera á vetrarmánuðum.

Eitt er þó aæveg skýrt,hvorki flugmenn eða Icelandair hefur leyfi til þess að skaða ferðaþjónustuna á þann hátt sem nú er verið að gera. Þjóðin á heimtingu á því að aðilar nái samningum án þess að beita úreltum vinnubrögðum me verkfallsaðgerðum. Það er of mikið í húfi til a hægt sé að líða það.

Sex flug felld niður

Athugasemdir

[Siggi (IP-tala skráð) 24.6.2011 kl. 15:52]

Og þjóðin hefur rétt á að hneppa þetta fólk í þrældóm? Flugmenn ákveða bara sjálfir fyrir hvaða launum þeir eru tilbúnir að vinna, og það kemur öðrum ekkert við.

[Þórður (IP-tala skráð) 24.6.2011 kl. 16:11]

Þetta er rangnefni á titli hjá þér Sigurður! Árið í ár verður ekkert metár. Starf í ferðaþjónustu og auglýsi eftir þeirri ofurbjartsýni sem talsmenn ferðaþjónustunnar gaspra í fjölmiðla. Ég skora á þig að hafa samband við hótel víðsvegar um landið og kannaðu hljóðið í þeim, þeir myndu án efa ekki taka undir titil þessa pistils. Heimsóknir í Bláa lánið endurspegla ekki ferðaþjónustuna í heild sinni, það vill því miður oft gleymast.

[Skúli Einarsson (IP-tala skráð) 24.6.2011 kl. 16:26]

Það er alrangt hjá þér að flug falli niður vegna aðgerða flugmanna. Þau falla niður vegna þess að Icelandair sér ekki sóma sinn í að ráða flugmenn, helsur reiða þeir sig á að flugmenn í fríum hlaupi til og reddi málunum. Ef mönnunin væri eins og flugmenn fara fram á myndi yfirvinnubann engin áhrif hafa. Það er hins vegar alltaf stutt í öfundartóninn hjá fólki þegar stéttir sem hafa það þokkalegt verja kjör sín og neita að falla í meðalmennskuna. Ég styð flugmenn fyllilega, þekki þónokkra sem vinna mikið og eiga skilið að vera á mannsæmansi launum.

[Anna Sigríður Guðmundsdóttir, 24.6.2011 kl. 16:46]

Sigurður. Ekki þekki ég kjör flugmanna nóg til að geta tekið afstöðu í þessu máli. En ég held ég hafi lesið það einhversstaðar að þetta snérist ekki aðallega um laun, heldur vaktir og vinnuálag. Er það rétt hjá mér?

Það er alveg ljóst að flugmenn verða að fá sinn hvíldartíma til að flugöryggi sé ekki ógnað. Gott væri að fá heildarmyndina af þessu dæmi, til að vita hvað er í gangi.

M.b.kv.

[Óli (IP-tala skráð) 24.6.2011 kl. 20:35]

Auðvitað er ólöglegt að setja lög á flugmenn. Þess heldur að þeir eru ekki í verkfalli, aðeins yfirvinnubanni. Engir almannahagsmunir í húfi, bara væl frá samtökum ferðaþjónustunnar. Engin ástæða er fyrir stjórnvöld að hlaupa eftir slíku væli. ferðaþjónustan ætti bara aðeins að skoða sjálfa sig. Þeir hafa offjárfest í sinni atvinnugrein, og að auki verðlagt sig út af markaðinum með óheyrilega háu verði á gistingu og mat, svo venjulegir íslendingar hafa ekki efni á að ferðast um landið sitt. Svo ætlar þessi atvinnugrein bara að stóla á útlendinga! gáfulegt eða hitt þó heldur! Það þarf ekki nema eitthvert smáatriði til þess að ferðir útlendinga til Íslands detti niður. Ferðaþjónustunni væri nær að vinna íslenska markaðinn, t.d. með því að lækka verð fyrir íslendinga á gistingu og mat, c.a. niður í 50% lægra en útlendingar greiða. Slíkt væri sanngjarnt, og þá færu íslendingar að nota þessa þjónustu. Og ferðaþjónustan væri ekki eingöngu að treysta á útlendinga. Tvöfalt verð, þ.e. ódýrt fyrir heimamenn og dýrara fyrir útlendinga er algengt amk. hjá fátækari þjóðum

[Þórólfur Ingvarsson, 24.6.2011 kl. 21:25]

Flugmenn eru ekki í neinu verkfalli þeir vinna bara ekki yfirvinnu og það væri betur ef fleiri stéttir helst allar slepptu allri yfirvinnu því hún er orsök lágra launa því þegar á að semja um laun þá er alltaf vitnað í það hvað fólk er með í tekjur en horft framhjá því hvað fólk þurfti að þræla sér út myrkrana á milli til að komast af.

[Þórólfur Ingvarsson, 24.6.2011 kl. 21:34]

Og talandi um laun, þá fannst mér hlægilegt að heyra í Steingrími J í kastljósinu í gærkvöldi þegar hann hældi sér af því hvað bensínverðið væri mikið lægra hjá okkur en norðmönnum en staðreyndin er sú að fyrir einnar stundar vinnu fæ ég fjóra lítra af bensíni eftir skatta en norðmaðurinn fær ellefu lítra fyrir einnar stundar vinnu eftir skatta og svo það komi fram þá er ég járniðnaðarmaður.

[Óðinn Þórisson, 25.6.2011 kl. 12:02]

Þessi deila snýst að mestu leyti um atvinnuöryggi og ef séð og heyrt ráðherrann æltlar að setja lög á þetta er það henni til ævarandi skammar

[Anna Sigríður Guðmundsdóttir, 25.6.2011 kl. 14:01]

Það eru margar hliðar á þessu máli, og gott að fólk tjái sig um staðreyndirnar. Það er engum greiði gerður með því að kúga flugmenn til óviðunandi samninga.

Ég er ekki í hagsmunasamtökum flugmanna, og þekki ekkert til þeirra kjaramála, en ég skynja að hér er ekki réttlætið látið ráða för í fréttaflutningi.

M.b.kv.

[Helgi (IP-tala skráð) 26.6.2011 kl. 17:04]

Sæll.

Það á ekki að setja lög á flugmenn, ríkið á ekki að skipta sér að þessari deilu. Ríkið á að einbeita sér að því í bili að minnka sjálft sig og ýta undir fjárfestingar hérlendis núna. Hvernig væri að fækka þingmönnum, við erum með u.þ.b. 5 sinnum fleiri þingmenn en Norðurlandaþjóðirnar ef miðað er við íbúafjölda.

Það sem flugmenn virðast ekki skilja (frekar en hann Gylfi í ASÍ) er að þó vel megi vera að þeim lánist að pressa meira út úr sínum vinnuveitenda en hann er með góðu móti fær um að greiða þeim kemur þessi frekja þeirra í bakið á þeim: Fleiri flugmönnum verður einfaldlega sagt upp í haust þegar hægist um en þörf hefði verið á ef þeir hefðu haldið sig við skynsamlega kröfugerð. Hverjum verður svo fyrst sagt upp? Ætli það tengist ekki starfsaldri? Þessi kröfuharka ýtir þannig undir atvinnuleysi í flugmannastéttinni, sérstaklega hjá þeim yngri. Of há laun þessarrar ágætu stéttar veldur því líka að færri verða ráðnir og ýtir líka undir dýrari farmiða sem aftur veldur færri komum hingað. Of há laun hafa neikvæð áhrif á stækkunarmöguleika Icelandair sem aftur kostar flugmenn og fleiri stéttir störf sem ekki verða búin til. Icelandair hlýtur að hugsa sín mál - ætli félagið geti ekki lausráðið útlendinga hingað sem væru til í að vinna á eitthvað lægri töxtum næsta sumar fyrst flugmenn hafa sýnt sín spil? Ef ég væri stjórnandi hjá félaginu myndi ég ekki gleyma þessu enda veldur þetta miklum skaða - líka fyrir flugmenn þannig að forysta þeirra hefur algerlega gleymst sér í lýðskrumi (ef þeir þá gera sér grein fyrir því sem að ofan var rakið).  

Ætli forysta flugmanna hafi lært eitthvað hjá honum Gylfa í ASÍ?

[Kolbrún Stefánsdóttir, 26.6.2011 kl. 22:23]

Sælt veri fólkið. Flugmenn segjast bara vera í baráttu fyrir atvinnuöryggi sem er auðvitað bara bætt kjör þeim til handa. Það verður minni samkeppni þeirra á milli ef menn eru með langan uppsagnafrest og föst laun sama hvort mikið eða lítið er að gera. Eins og Helgi bendir á þá þýðir það erfiðari rekstur flugfélagsins og dýrari flugfargjöld. Það eykur líkur á að erlend flugfélög sjái sér hag í að sækja inn á íslenskan markað og er það svosem ágætt. Ef einhver ætlar að halda því fram að íslenskir flugmenn séu betri en aðrir þá er það bara tabú að mínu mati. Ef ekki semst núna þá fara þeir í verkfall og mæta tárvotir í viðtöl þar sem þeir munu útlista það hvað þeir hafi ótryggt starfsumhverfi og stuttan starfsferil. Nefna aldrei launin. Hvert er öryggi annarra stétta ? Verkamaðurinn, er hann ekki með mánaðaruppsagnafrest eða er það kannski vika? Að setja lög á flugmenn núna er alveg út úr öllu korti. Það á bara að semja við erlend flugfélög um að fljúga fyrir Icelandair til að klára samninga, leigja út vélar félagsins tímabundið, segja þeim upp hér heima og ráða ódýrari flugmenn erlendis frá þegar búið er að koma lögboðnum samningum fyrir vind. Kveðja Kolla 

[Sigurður Jónsson, 27.6.2011 kl. 00:23]

Auðvitað á ekki að setja lög á flugmenn. En þaðverður að gera þá kröfu bæði til flugmanna og Icelansair að þeir geti leyst deiluna án þess að til svona aðgerða þurfi að koma. Ekki verður það betra fyrir íslenska flugmenn eða Icelandair að erlend flufélag yfirtaki markaðinn.