Ætlar Framsókn að sitja hjá?

Fram kemur í fjölmiðlum haft eftir Vigdísi Hauksdóttur þingmanni að Framsóknarmenn séu að íhuga að sitja hjá við vantrausttillögu á Vinstri stjórnina. Það væri eftir öðru hjá Framsókn að þeir björguðu andlitinu á Vinstri stjórninni. Reyndar er þetta ekkert skrítið ef horft er til þess að það voru Framsóknarmenn sem komu Samfylkingunni og Vinstri grænum til valda á sínum tíma. Málið er þeim því skylt. Nú svo er það að Framsóknarflokkurinn er væntanlega að kaupa sér gott veður hjá þessum flokkum til að undirbúa ríkisstjórnarsamstarf eftir kosningar.

Það er alveg á hreinu að nái Framsóknarmenn góðu gengi í kosningunum í apríl sitjum við uppi með Vinstri stjórn næstu fjögur árin undir forystu Framsóknarflokksins.

Athugasemdir

[Hrólfur Þ Hraundal, 10.3.2013 kl. 17:07]

Rétt segir þú Sigurður, að snúi Framsókn sér til vinstri eftir kosningar þá komast þeir Framsóknarmenn að því að hlýðni er til að halda stólunnum undir rassgatinu. 

Það að vera stærsti flokkurinn í í þriggja eða fjöguraflokka ríkisstjórn er ekki ávísun á að ráða.   En svo sem mörgum sinnum hefur sannast þá hefur aldrei verið á vísan að róa hvort Framsókn verðu til hægri eða vinstri eftir kosningar.   

[Heimir Lárusson Fjeldsted, 11.3.2013 kl. 08:02]

Fylgi framsóknar hrynur sitji þeir hjá.