Svandís bakkar með Bakka.

Steingrímur J.Sigfússon,atvinnumálaráðherra,reynir að hysja upp um sig buxurnar gagnvart kjósendum sínum á Norðurlandi. Nú gerir hann örvæntingarfulla tilraun til að lofa öllu fögru varðandi uppbyggingu á Bakka við Húsavík. Nú skal allt sett á fullt og peningum dælt úr ríkissjóði til að koma stóriðju af stað. Auðvitað er það fagnaðarefni fyrir Norðlendinga og þjóðina alla ef eitthvað raunhæft færi nu að gerast þar í atvinnuuppbyggingu. Steingrímur J. er farinn að óttast að ná ekki kosningu miðað við öll sviknu loforðin. Hvort þetta útspil dugar til að halda þingsætinu á eftir að koma í ljós.

Athuglisvert er hvernig Svanís bregst við þessum hugmyndum. Hún hefur allt á hornum sér og sér marga vankanta. Svandís er ekkert að fela afstöðu VG á móti öllu sem heitir atvinnuuppbygging. Það er því alveg ljóst að verði VG áfram í ríkisstjórn gerist ekki nokkur skapaður hlutur í atvinnuuppbyggingu hvorki á Bakka né annars staðar.

Athugasemdir

[Jóhann Elíasson, 12.3.2013 kl. 12:23]

Ef hún fengi að ráða byggjum við í torfkofum og lýstum þá upp með "grútarlömpum",.... nema hún, hún byggi í stóru einbýlishúsi við Elliðaárnar, sem hún myndi láta VIRKJA svo hún fengi nægt rafmagn í stóra húsið sitt..................

[Sandy, 12.3.2013 kl. 12:40]

Það er allt gott og blessað með að reyna að skapa störf í raun hvar sem er á landinu,en hvers vegna eiga landsmenn að þurfa að greiða út með skattpeningum sínum alskyns afslætti á sköttum og fyrir utan annars konar niðurgreiðslur? Ég get að minnstakosti sagt það að ég hef ekki efni á að borga hærri skatta af þessum 112.000 sem ég fæ út úr tryggingastofnun á mánuði, eftir skatt.