Slæmar tölur frá Eyjum

Í laugardagsblaði Norgunblaðsins er greint frá því að Vestmannaeyjabær sé að kaupa til baka fasteignir sem seldar voru til Fawsteignar árið 2004. Fram kemur í viðtali við Elliða Vignisson,bæjarstjóra, að bæjarsjóður hafi árið 2004 fengið í sinn hlut 1100 milljónir króna. Bærinn leigði svo þessar eignir af Fasteign og hefur greitt í leigu á þessum tíma 1300 milljónir króna. Nú er Vestmannaeyjabær að kaupa eignirnar til baka á 1800 milljónir. Það er ansi slæmt að sjá þessar tölur.

Mikið rosalega getum við hér í Garðinum verið sátt við að hafa ekki selt okkar fasegnir inní Fasteign. Í dag er staðan þannig að Sveitarfélagið Garður á allar sínar fasteignir skuldlausar og gat á þessum árum byggt nýjar eignr,sem nú hafa verið greiddar að fullu.

Sem betur fer er fjárhagsstaðan í Eyjum góð,þannig að þeir ráða við pakkann,en það hlýtur samt aðö vera sárt að þurfa að greiða svo háa upphæð fyrir mistök fyrri meirihluta.

Athugasemdir

[Kristinn Pétursson, 26.5.2013 kl. 19:52]

Svona er þetta hjá ríkissjóði sums staðar... Sama ruglið.

Ég held að það komi til álita að samþykkja lög sem heimila eignarnám - skv mati gerðardóms - að þessir leigusamningar ríkissjóðs verði teknir eignarnámi.... ríkissjóður gefi út langtímaskuldabréf á móti eignarupptökunni á matsverði eigna - og ruglinu þannig hætt.

Ríkissjóður getur ekkert greitt okurleigu fyrir húsnæði til opinberra nota - frekar en sveitarfélög.

Við erum ríkissjóður - og rugl í rekstri ríkissjóðs bitnar á lífskjörum þjóðarinnar...

[Þórir Kjartansson, 26.5.2013 kl. 20:46]

Það er með ólíkindum að sveitarstjórnarfólk víða um land skuli hafa glæpst á þessari endemis vitleysu.   Þetta var einn þátturinn í hugmyndafræði hrunverja.

[Hilmar Hafsteinsson (IP-tala skráð) 26.5.2013 kl. 23:27]

... fyrir mistök fyrri meirihluta? Viltu ekki vinsamlegast upplýsa hverjir voru í meirihluta í Eyjum 2004 - og hver hafi verið alltumlykjandi primus motor í Fasteign?

[Hilmar Hafsteinsson (IP-tala skráð) 26.5.2013 kl. 23:36]

Hringir þetta einhverjum bjöllum?:

http://news.icex.is/newsservice/MMIcexNSWeb.dll/newsattachment?attachmentnumber=14439

http://pallvil.blog.is/blog/pall_vilhjalmsson/entry/1184257/

[Steinarr Kr. , 27.5.2013 kl. 10:22]

Reykjavíkurborg er að gera sömu vitleysuna undir stjórn Bestaflokksins með sölunni á OR húsinu.

[Sigurður Jónsson, 27.5.2013 kl. 11:05]

Árið 2004 var V-listi (Samfylking og VG) ásamt Framsóknarflokknum í meirihluta í Vestmannaeyjum. Sjálfstæðismenn í Eyjum börðust gegn því að fara í Fasteign.

[Maggi (IP-tala skráð) 27.5.2013 kl. 11:23]

Já á þessum tíma var vinstri stjórn í Eyjum undir forsæti Lúðvíks Bergvinsson, fyrrv. alþm. og Andrésar Sigmundssonar, bakara.  Bæjarstjóri var þá Bergur Elías Ágústsson, núverandi bæjarstjóri í Norðurþingi.

Sjálfstæðismenn börðust hatrammlega á móti þessu, en fengu ekki rönd við reist.