Árásirnar á Vigdísi

Vigdís Hauksdóttir er einn af þeim þingmönnum sem maður tekur eftir. Hú er gjörsamlega ófeimin við að láta skoðanir sínar í ljós og berst fyrir sínum sjónarmiðum. Auðvitað hlýtur slíkur þingmaður að verða umdeildur. En hvers vegna í óskupunum eys fólk yfir hana alls konar svívirðingum,sem eiga ekkert skylt við málefnalega umræðu. Að sjálfsögðu er maður langt frá því sammála öllu sem hún segir eða skrifar,en hvers vegna er eitthvað að því að hún haldi fram sínum sjónarmiðum.

Vigdís fékk fína kosningu í sínu kjördæmi og því eðlilegt að hún undrist að fá ekki ráðherrastól, en ekki ætla ég að blanda mér í innanflokksmál Framsóknar.En hart er ef ósvífnar árásir á Vigdísi hafa or'ið þess valdandi að hún nýtur ekki trausts samflokksþingmanna sinna til aðm gegna ráðherraembætti.

Margir binda miklar vonir við að vinnubrögð Alþingis breytist til hins betra og menn vinni málefnalega. En það eru ekki bara þingmenn sem þurfa að breyta sínum vinnubrögðum. Allir sem skrifa á opoinberum vettvangi verða einnig að gæta hófs í persónulegri gagnrýni. Það gengur ekki að nota það ógeðslega orbragð,sem því miður er allt of algengt í umræðunni.

 

Athugasemdir

[Ómar Ragnarsson, 28.5.2013 kl. 21:14]

"Þegar jörðin þiðnar koma ormarnir upp" segir rússneskt máltæki. Það á því miður við um netmiðlunina, facebook en þó sérstaklega bloggskrif, sem alltof oft eru svo rætin, ósvífin og mannskemmandi, að maður gapir stundum yfir því.

Ef ekki er hægt að bægja þessum ófögnuði frá eða minnka hann er eina ráðið að draga þá ályktun, að með orðbragði sínu og hegðun lýsi viðkomandi sjálfum sér en ekki þeim sem verið er að ráðast á. 

[Austmann,félagasamtök, 29.5.2013 kl. 15:10]

Er ekki ein ástæðan fyrir árásunum á Vigdísi að hún hefur gagnrýnt öfgafemínistana, sem hafa haft völdin sl. 4 ár, en hafa nú (vonandi) misst þau?

Og Ómar, í upptalningunni á miðla, þar sem ormarnir (eða rotturnar) koma fram, gleymdirðu að nefna málgagn femínistanna, DV, þótt heykvíslahjörðin noti vissulega facebook.