Henda Píratar prinsippum fyrir valdastóla?

Viðræður Vinstri flokkanna um myndun ríkisstjórnar hefjast á morgun 21.nóvember. Fróðlegt verður að fylgjast með Pírötum, sem fengu fylgi sitt út á að vilja breyta ýmsu.

Píratar sögðu að það væri ófrávíkjanleg krafa að stjórnarskránni yrði kollvarpað og kjörtímabilið yrði mjög stutt t.d. 12 mánuðir og þá kosið að nýju samkvæmt nýrri stjórnarskrá.

Nú er þetta ekki lengur neitt atriði. Nú segja Píratar að það megi svo sem alveg slaka á þessu,bara að eitthvað verði unnið í málinu á kjörtímabilinu.

Píratar sögðu að það væri ófrávíkjanleg krafa að ráðherra væri ekki jafnframt þingmaður í ríkisstjórn.

Nú er það ekki lengur neitt atriði hvað varðar ráðherra annarra flokka.

Píratar segja sem sagt.Allt í lagi að falla frá grundvallarstefnunni,ef við komumst í ríkisstjórn.

Er von á góðu?

Athugasemdir

[Sigurður Jónsson, 20.11.2016 kl. 23:46]

Á mbl.is er greint frá því að nú segi Birgitta foringi Pírata: " Hún segir að til standi að breyta samþykktum um þingmennsku og að gegna ráðherraembætti."

Sem sagt það á bara að breyta stefnuskránni eftir því sem hentar til að komast í ríkisstjórn.

Er hægt að taka mark á svona stjórnmálaflokki?