VILJANDI ÓSANNINDI ?

Margir stjórnmálamenn eru ansi drjúgir við að gefa sér ákveðnar forsendur og tala sínu máli út frá því. Með þessu nálgast menn málefnin á annan hátt en andstæðingurinn og draga upp mun dekkri eða fallegri mynd út frá sínum forsendum. Á þennan hátt getur stjórnmálamaðurinn vissulega verið að segja sannleikann eða a.m.k. segja hluta af málinu en slerppa því sem óþægilegt er.Þetta er alþekkt í stjórnmálaumræðunni.

Svo eru þeir til sem víla það ekkert fyrir sér að halda fram hlutum sem þeir hljóta innst inni að vita að eru ekki réttir. Gróft dæmi um slíkan málflutning sá ég hjá Jóni Bjarnasyni,þingmanni Vinstri grænna.Nú hefði maður áætlað að þessi ágæti þingmaður væri gramdvar maður og legði sig fram um að vera málefnalegur og segði hvert orð satt. Ef til vill er það vegna þessarar ímyndar sem hann hefur að hann leyfir sér slíkan málfluning sem ég ætla aðeins að minnast á.

Jón Bjarnason segir: " Sjálfstæðisflokkurinn vill einkavæða heilbrigðiskerfið" Síðan segir hann:             "    Almenningur vill öfluga heilbrigðisþjónustu."

Þarna dregur Jón upp þá mynd að Sjálfstæðisflokkurinn vilji Ameríska kerfið. Þeir einir sem eigi peninga eða hafi keypt sér tryggingu geti fengið almennilega heilbrigðisþjónustu.

Auðvitða veit Jón Bjarnason að sjálfstæðisflokkurinn hefur aldrei boðað einkavæðingu í heilbrigðiskerfinu. Hann veit líka ósköp vel að það er munur á einkavæðingu eða einkarekstri.

Núverandi heilbrigðisráðherra og aðrir Sjálfstæðismenn hafa margf oft tekið fram að það stendur á engan hátt til að gera einhverjar grundvallar breytingu á kerfinu. Það sem er til umræðu er að kanna á hvern hátt sé hægt að nýta sem best fjármagnið sem við höfum innan þess ramma sem unnið hefur verið eftir.

Auðvitað vita Vinstri grænir að með því að hrópa nógu oft einkavæðing getur verið að einhverjir fari að trúa því. Tilgangurinn skal helga meðalið. Vel má vera að þessi áróður þeirra virki um stundarsakir. En kjósendur munu auðvitað kynnast því að það stendur ekki til nein einkavæðing. Kjósendur munu sjá í gegnum upphrópanir Jóns Bjarnasonar og fleiri vinstri manna.

Athugasemdir

[Gunna Sigga (IP-tala skráð) 9.6.2008 kl. 22:02]

Heill og sæll. V G.æ æ,þeir virðast bara vera á mótiöllu og það er mín trú að annað sé ekki á stefnuskrá hjá þeim,þeir virðast slíta allt úr samhengi og snúa útúr öllu eins og hægt er.Kveðja Gunna Sigga