MJÓNA Í GARÐINUM

Ég fór í dag og kíkti í Garðinn. Alltaf vinalegt að koma í það ágæta sveirafélag, sem nýverið fagnaði sínu 100 ára sjálfstæði. Mér lék svolítil forvitni á að sjá listaverkið,sem vígt var formlega samhliða hátíðarhöldunum. Sem betur fer vissi ég svonna nokkurn veginn hvar ætti að leita við innkomuna í Garðinn að listaverkinu.Annars hefði ég örugglega keyrt inní bæinn án þess að taka eftir stönginni. Hugmyndin að verkinu fannst mér góð þ.e. kona/konur að horfa til sjávar og mjög vel viðeigandi fyrir sjómannslífið í Garðinum.

Satt best að segja trúði ég vart mínum eigin augum þegar ég leit listaverkið augum. Þetta er eins og þokkalegur ljósastaur eða flaggstöng á að líta. Vonandi reyna bæjaryfirvöld að gera eitthvað í umhverfinu til að hressa uppá þetta.

Mér er tjáð að umrætt listaverk hafi kostað þó nokkrar milljónir króna. Auðvitað er það alltaf matsatriði í hvað á að setja fjármunina,en ég bjóst við að sjá öflugra listaverk en raun ber vitni.Smekkur manna er reyndar misjafn og sýnilega er úverandi meirihluti hrifinn af mjónum.