HVERS KONAR FRAMTÍÐARHEIMUR ?

Ég las á forsíðu Moggans á laugardaginn stutta frétt sem vakti athygi. Fyrirsögnin á greininni er: "Hundrað ára mæður". Þar er fjallað um það að innan þriggja áratuga munu 100 ára konur geta eignast börn. Mér var nú hugsað til þess,hvernig fer þetta með velferðakerfið okkar.Hugsið þið ykkur sama konan getur þannig verið á lífeyrissjóðsgreiðslum,fengið ellistyrk og aðrar bætur vegna aldurs en jafnframt fenið fæðingarstyrk og barnabætur.Þetta er að verða skrítinn heimur.

Í framtíðinni hljóta líka dvalarheimili aldraðra að breytast. Reikna verður með að það verði fæðingarstofa, leikherbergi fyrir börn og rennibraut og rólur á lóðinni. Hvernig heimur verður þetta í framtíðinni.Mun þá fjölskyldan heimsækja mömmu,ömmu, langömmu og nýfædda barnið.?

Ljósmæður og aðrir í heilbrigðisþjónustunni ættu að gleðjast. Það verða nægjanleg verkefni í framtíðinni. Svo er það spurningin, hvers vegna er verið að pæla í svona hlutum. Varla hefur nú verið gert ráð fyrir að 80-100 ára gamlar konur væru að standsa í því að fjölga mannkyninu.