Æ,Æ, BJÖRGVIN RÁÐHERRA.

Að undanförnu hafa okkur borist ansi misvísandi skilaboð frá okkar ágæta viðskiptaráðherra,Björgvini G. Sigurðssyni. Á einni myndinni sést hann brosandi út að eyrum að taka fyrstu skóflustunguna að álverinu í Helguvík. Gott fyrir samfélagið á Suðurnesjum og reyndar efnahagslífið á landinu öllu.Hversu brosandi og ánægður Björgivin er með þessa framkvæmd hefur vakið suma til umhugsunar vegna fyrri yfirlýsinga hans.

Svo birtist önnur mynd af viðskiptaráðherra öllu alvarlegri á svipinn við Þjórsá. Nú kveður við annan tón. Hér má alls ekki virkja.

Sveitarfélögin fjögur við (Ásahreppur,Flóahreppur,Rangárþing ytra og Skeiða-og Gnúpverjahreppur)hafa að undanförnu fundað og ákveðið að hafa með sér samvinnu um að gera allt sem mögulegt er til að nýta orkuna sem fæst við virkjanir til að efla atvinnulífið í þessum sveitarfélögum. Unnið er að skýrslu og bæklingagerð til að geta kynnt  fyrirtækjum þá möguleika sem eru til staðar hér á svæðinu. Auðvitað hlýtur það að vera mikið atriði að orkan sem hér verður til verði nýtt til atvinnuuppbyggingar hér í sveitarfélögunum.

Það verður fróðlegt fyrir okkur að fylgjast með því hvort viðskiptaráðherra ætlar að berjast á móti því að við í þessum fjórum sveitarfélögum vinnu að því að efla atvinnulífið og stuðla þannig að frekari uppbyggingu. Eigum við virkilega von á því að sjálfur viðskiptaráðherrann og heimamaður hér berjist gegn okkur.