SAMKEPPNI,SAMRÁÐ OG NEYTENDUR.

Það er oft fróðlegt að sjá hversu mikill verðmunur getum verið á hinum ýmsu vörum. Það er í sjálfu sér ekkert skrítið þar sem frjáls álagning er heimil.Spurningin er hvernig á að veita okkur neytendum upplýsingar um hvar ódýrustu vöruna er að finna.ég er þeirrar skoðunar að til verði að vera hlutlaus aðili sem gerir verðsamanburð og birtir reglulega. Í dag eru aðferðir ASÍ dregnar í efa og kaupmenn benda á að rautt epli og rautt epli þurfi alls ekki að vera sama varan. Það sé því óraunhæft að bera slíkt saman. Vel má vera að þetta sé rétt. Það hlýtur að vera hægt að velja úr vöruflokka sem eru nákvæmlega eins,þannig að samanburður sé raunhæfur.

Ég er einnig þeirrar skoðunar að hlutlaus aðili þurfi að  gera könnun á því hvort auglýst verð í hillum sé það sama og kassakvittun sýnir. Það hefur komið fram að það er svo auðvelt að svindla á okkur hvað verð áhrærir að það er full ástæða að um mikið aðhald sé að ræða.

Samkeppni er góð og á að tryggja lægra vöruverð,en þarfnast samt eftirlits.

Svo koma enn og aftur fréttir af því að verlag á eldsneyti hér á Íslandi lækkar ekki í takt við heimsmarkaðsverð. Það virðist vera að olíufélögin auki bara sína álagningu eftir því sem verð lækkar erlendis. Við þurfum áfram að búa við hátt eldsneytisverð.Hvar er samkeppnin á þessum markaði?

Það er allavega með ólíkindum hvernig verðið er nánast það sama hjá öllum olíufélugunum.

Olíufélögin skulda okkur verulega fjármuni vegna samráðs,sem þau urðu uppvís að. Þrátt fyrir það heldur einokunin áfram. Við neytendur erum látnir búa við það að hækki heimsmarkaðsverð er verðið hér hækkað. Lækki heimsmarkaðsverð þá hækkar álagningin þannig að við njótum lítið lækkunar.

Hvað getum við neytendur gert? Við verðum að nota okkar faratæki,við verðum að kaupa okkar matvörur og aðrar neysluvörur.

Hvernig væri fyrir eitthvert olíufélagið að lækka nú verulega hjá sér og auglýsa það.Ég held að neytendur kynnu að meta það og til lengri tíma litið myndi viðskiptin aukast..

82% verðmunur á skötusel í fiskbúðum