KLÁRA ÞARF MÁLIÐ STRAX.

Auðvitað er það slæmt að mál Breiðuvíkur og hugsanlegar bætur til þeirra sem dvöldu þar skyldi leka í fjölmiðla. Aftur á móti má vel vera að talsmenn Breiðuvíkursamtakanna hafi metið stöðuna svo eftir að hafa lesið frumvarpið að eina von þeirra til að ná fram leiðréttingu væri að gera málið opinbert. Þeir hafa hreinlega ekki treyst því að tekið yrði tillit til athugasemda þeirra. Hvort tekið hefði verið tillit til athugasemdanna ef þeir hefðu ekki gert málið opinbert á þessu stigi veit auðvitað enginn.

Ég held að mikill meirihluti landsmanna hafi mikla samúð með þeim sem dvöldu á sínum tíma á heimilinu og telja að íslenska ríkið skuldi þeim afsökunarbeiðni og bótagreiðslur.

Ég held einnig að flestum finnist þær upphæðir sem nefndar hafa verið ansi lágar og til lítils sóma fyrir ríkið að nefna þær.

Fyrst svo fór að þetta mál er komið í umræðuna verður ríkisstjórnin að hafa hraðar hendur og leysa þetta mál svo sómi sé að.

Það dylst engum að það var hörmulega farið með þá sem dvöldu á Breiðuvík.

Enn og aftur ég trúi því að Geir og flokksfélagar sýni nú sanngirni í þessu máli,þannig að þeir hafi sóma að.

Vonbrigði að fá ekki nauðsynlegt svigrúm