EKKI VORU SEKTIRNAR HÁAR.

Gott var ólöglegir mótmælendur í Saving Iceland fengu sekt.Athygli vekur hversu sektin er lág og það fyrir að hlýða ekki fyrirskipunum lögreglu. Auðvitað hlýtur það að vera liður í að auka virðingu fyrir lögreglunni að fólk sem hlýðir ekki fyrirskipunum lögreglu fái háa fjársekt og sé hún ekki greidd innan ákveðins tíma komi til vistunar í fengelsi.

Auðvitað er ekkert athugavert við að fólk mótmæli sé það gert á friðsamlegan hátt.

Það vekur athygli að skaðabótakröfu vegna vinnutaps fyrirtækisins skuli vera vísað frá. Það gengur ekki að fólk ráðist inná athafnasvæði fyrirtækja og stövi vinnu um svo og svo langan tíma.

Hér hefði maður viljað sjá að vinnustoppið væri metið til fjármuna og fullrúar Saving Iceland hefðu verið látnir borga að fullu skaðann. Ég undrast þá linkind sem dómsstólar sýna gagnvart þessum þætti málsins.

Það kemur sumar eftir þetta sumar og Saving Iceland mun eflaust reyna að beita ólöglegum aðferðum áfram. Ég er sannfærður um að mikill meirihluti Íslendinga vill að hart sé tekið á lögbrjótum sem þessum. Þeir eiga ekki að fá að komast upp með það að stöðva okkar atvinnuuppbyggingu með ólöglegum aðferðum.

Sektuð fyrir að hlýða ekki lögreglu

Athugasemdir

[Sigurður Jónsson, 8.9.2008 kl. 15:32]

Já,með þessum dómi gæti maður dregið þá ályktun.

[Helgi Hrafn Gunnarsson (IP-tala skráð) 8.9.2008 kl. 17:27]

Það þarf ekki stanslaust að hækka refsingar í hvert einasta sinn sem refsidómi er beytt. Fyrir utan það er sennilega að sektin yrði hækkuð ef sömu einstaklingar gerðu þetta aftur.

Ennfremur eru refsingar almennt alls ekki góð leið til að fyrirbyggja glæpi ef refsingar eru til staðar á annað borð. Ef hærri refsingar virkuðu almennt einhverju betur en lægri, þá væri fyrir löngu síðan búið að útrýma glæpum algerlega, enda hafa refsingar í gegnum tíðina verið á þvílíku stigi að nútímamenn myndu kalla villimennsku, og með réttu. Ef hærri refsingar virkuðu almennt ætti afbrotatíðni að vera lægri þar sem refsingar eru stjarnfræðilega háar (eins og í Bandaríkjunum), en svo er alls ekki; þvert á móti, reyndar. Ég ætla ekki að draga þá ályktun að háar refsingar beinlínis hvetji til afbrota, en það er ekki hægt að sýna fram á þær fyrirbyggi glæpi heldur. Svo skítt er það nú.

Það er líka rosalega auðvelt að finnast 100.000 kall ekkert mál þegar maður er ekki rukkaður um hann sjálfur. Ekki láta eins og ég sé að verja það sem þetta fólk gerði, en þessi apagangur í þeim kallar einfaldlega ekki á hærri refsingar vegna þess að á meðan afbrotið er pirrandi er það samt sem áður ekki svo alvarlegt. Þetta er kjánaskapur, læti og leiðindi, ekki hryðjuverkastarfsemi. Það er alger óþarfi að refsa eitthvað umfram þetta.

Og það er bara kjánaskapur af ykkar hálfu, með fullri virðingu, að halda að dómsvaldið sé að segja liðinu að halda þessu áfram! Þau dæmdu í málinu, er það ekki? Sektum var beitt, er það ekki? Það sem þau gerðu var klárlega ólöglegt, handtakan var klárlega lögleg, lögin klárlega standast og svo framvegis? Það er ekki eins og þau hafi verið að hóta fólki lífláti eða einhverju svoleiðis. Látið ekki eins og himinn og jörð sé að farast fyrir það eitt að þið lesið pirrandi frétt um pirrandi fólk. Það er engu alvarlegra en það.

[óli (IP-tala skráð) 8.9.2008 kl. 18:24]

Nei tetta eru ekki hryðjuverkamenn. Enn ekki langt frá tví. Tetta rusl hyski er ekki í lagi og tað á að reka úr landi alla tá útlendinga sem eru í tessum samtökum og fylgjast vel með hinum og beita tá meiri sektum næst. Enn allt í í fína að byrja í 100.000kalli enn svo á að taka fastar á skrílnum næst.

[Sigurjón, 8.9.2008 kl. 18:28]

Alveg sammála þér Siggi.  Auðvitað eiga fyrirtækin sem urðu fyrir vinnutapinu að fá skaðabætur frá þessu liði...

[Jóhannes (IP-tala skráð) 8.9.2008 kl. 20:01]

Ef mig miss minnir ekki eru þetta sömu einstaklingar og voru sektaðir um svipaða upphæð eftir handtökurnar við Kárahnúka hér um árið, svo ekki er verið að auka sektir milli brota. Annars sýnist mér þetta benda til einbeits brotavilja og ætti það ekki að koma til refsiauka? Annars er ég mest hissa á því að fyrirtæjunum sem urðu fyrir tapi hafi ekki verið dæmdar bætur.

Jóhannes Fr. Ægisson

[Helgi Hrafn Gunnarsson (IP-tala skráð) 9.9.2008 kl. 16:30]

"Nei tetta eru ekki hryðjuverkamenn. Enn ekki langt frá tví."

Fyrr má vera al-íslensk sjálfsvorkunn og móðursýki yfir algerum smámunum. Stundum velti ég því fyrir mér hvort það vanti ekki hressilegt stríð á Íslandi til að setja hlutina aðeins í samhengi. Hryðjuverk... djöfulsins þvættingur. Ég öfunda þig af því að eiga við fá og ómerkileg vandamál að stríða í lífinu ef þér finnst þetta vera stórmál, hvað þá hryðjuverk. Það má ekki prumpa á Íslandi án þess að einhver kalli það ofbeldi eða mannréttindabrot eða hryðjuverk.

Hljómar það virkilega fyrir einhverjum hérna eins og góður díll að fara og sóa nokkrum klukkutímum nokkurra manna, og borga fyrir það 100.000 kall? Ef þau gera þetta að vana sínum og þurfa að borga 100.000 kall í hvert skipti, þá hefði ég haldið að ríkið væri beinlínis að græða á þessu liði, reyndar... að það ætti að hvetja þau áfram! Mér finnst það bara ágætur díll! Það er ekki eins og þau hafi verið að sprengja eitthvað í loft upp, andskotinn hafi það. Þetta eru krakkar að þvælast inni á einhverju svæði! Ó NEI, EN SKELFILEGT! Í guðanna bænum, finnið ykkur einhver merkilegri vandamál að eiga við en einhverja kálhausa að væflast á vinnusvæðum.

Væntanlega voru fyrirtækjunum ekki dæmdar bætur af þeim ástæðum einum saman að það þótti ekki ástæða til, vegna þess að þetta er svo mikið smámál að það tekur því rétt svo með naumindum að dæma í því til að byrja með. Og í guðanna bænum, hættið að láta eins og hér sé um einhvern grafalvarlegan glæp að ræða. Þetta er ekki alvarlegur glæpur og það er kjánalegt að láta eins og svo sé. Það er ekki eins og þeim hafi tekist að hindra framkvæmdina eða tefja hana um meira en það sem nokkrir klukkutímar af rigningu myndu gera. Einn dagur af veikum starfsmanni væri meira stórmál en þessi tittlingaskítur.

Að þvílíku afli sé eytt í að röfla yfir þessum smámunum finnst mér gera ykkur refsiglöðu stórkarlana ómerkilegri en þetta pakk sem greinilega vantar bara eitthvað uppbyggilegt að gera við sinn tíma. "Get a fucking life", eins og kaninn myndi segja.

[Sigurjón, 9.9.2008 kl. 23:21]

Helgi minn: Hættu bara að reykja...