HVAR ER TILBOÐIÐ BJÖRGVIN ?

Í silfri Egils á sunnudaginn kom var kjaradeila ljósmæðra tekin til umræðu. Í þættinum sagði Björgvin viðskiptaráðherra að á borðinu lægi mjög myndarlegt tilboð frá ríkisstjórninni til ljósmæðra sem yrði til þess að leysa deiluna.

Samkvæmt fréttinni hér og það sem formaður kjaranefndar ljósmæðra segir virðist sem lítil innistæða hafi verið fyrir þessum orðum viðskiptaráðherra.

Þetta er reyndar ekki eina tilfellið þar sem viðskiptaráðherra talar fjálglega með fögrum yfirlýsingum án þess að innistæða sé fyrir orðunum.

Samfylkingin getur varla endalaust aukið fylgið sitt vegna innantómra yfirlýsinga. 

Annars er það mjög merkilegt við þessa deilu að allir virðast vera fylgjandi því að ljósmæður fái verulega leiðréttingu launa sinna. Það er allir sammála nema ríkisstjórnin, en í umboði hverra starfar hún? 

 

Búast við verkfalli að nýju

Athugasemdir

[Gestur Guðjónsson, 9.9.2008 kl. 17:04]

Við hjónin erum sett á morgun og ljósmóðirin sem skoðaði frúna í morgun sagði að Fjármálaráðuneytið sé að undirbúa að kæra verkfallið sem ólöglegt.

Hvað er að Sjálfstæðismönnum?

Stétt með stétt????????

[Sigurður Jónsson, 9.9.2008 kl. 20:18]

Ég trúi ekki að Árni Matt og félagar láti sér detta það í hug. Samfylkingarráðherrarnir keppast við að lýsa yfir stuðningi við ljósmæður. Það verður dýrkeypt fyrir mína menn ef þessu máli verður klúðrað.