MÁL NÚMER EITT,TVÖ og ÞRJÚ.

Það er vissulega hægt að taka undir með verslunarmönnum að mikilvægast sé við endurskoðun kjarasamninga að verja stöðu heimilanna.Eflaust er ekki hægt miðað við þá stöðu sem er í efnahagsmálunum að koma í veg fyrir kjaraskerðingu en það verður að lágmarka hana eins og mögulegt er. Að sjálfsögðu er besta leiðin til að viðhalda kaupmætti að ná niður verðbólgunni. En það er ekki eingöngu hægt að ætlast til þess að hinn almenni launþegi leggi sitt af mörkum til að ná niður verðbólgunni ef aðrir ætla ekki að gera það.

Gífurlegar hækkanir tryggingafélaga geta ekki talist liður í að nbá niður verðbólgu. Að olíufélögin auka álagningaprósentu sína á eldsneyti og halda uppi háu verði geta ekki verið liður í að ná þjóðarsátt í baráttunni við verðbólguna.

Hækkanir opinberra stofnana geta ekki verið liður í að ná niður verðbólgunni.

Opinberir aðilar verða að ganga á undan og fresta öllum hækkunaráformum sínum.

Það er líka umhugsunarvert að svokallaðar lágvöruverslanir hafa hækkað vöruverð sitt mest síðustu mánuðina.

Það virðist því miður vera svo að margir ætli að notfæra sér ástandið og hækka mun meira en nauðsynlegt er.

Eigi að ná árangri í baráttunni við verðbóguna verður fleira að koma til en að launþegar sýni ábyrgð.

Þótt ég sé fylgjandi frjálsri álagningu á vörur og þjósnustu getur það ástand skapast  að ríkið verði að taka á málunum og hreinlega banna um ákveðinn tíma allar hækkanir á vöru og þjónustu til að keyra niður verðbólguna.

Mikilvægast að verja stöðu heimila

Athugasemdir

[Jón Marteinn (IP-tala skráð) 20.9.2008 kl. 15:13]

Reyndu þá að sýna gott fordæmi og hættu að níðast á "sveitungunum" með okur innheimtuaðferðum sem er að sliga heimilin í sveitinni þar sem þú ert á okurlaunum hjá og hættu að fóðra lögfræðinga í Reykjavík!!!

[Sigurður Jónsson, 20.9.2008 kl. 19:44]

Já,það er eins og sumir hafi mikla ánægju af því að vera með persónulegt skítkast. Fái menn eitthvað útúr því er lítið við því að gera. Reyndar erfitt að ræða málin við slíkt fólk.

Skeiða-og Gnúpverjahreppur hefur gengið á undan og sýnt gott fordæmi m.a. með því að lækka gjaldskrá leikskólans og lækka verð á skólamáltíðum.

Svo er það ósköp einfalt. Þeir em borga eða semja um greiðslur og standa við samninga þurfa ekki að greiða lögfræðikostnað vegna innheimtu.