JÁKVÆTT EÐA NEIKVÆTT.

23.9.2008 | 12:42

Hörmungar eru hreint ótrúlegar víða um veröldina.Sumar hörmungar má rekja til náttúruhamfara og enn aðrar hörmungar fólks til stríðsástands.Samkvæmt fréttum er ástandið hreint ótrúlegt víða og samt gerir sér maður örugglega alls engan veginn grein fyrir hversu alvarlegt ásatndið er miðað við að sjá eingöngu fréttamyndir.

Slæmt og versnandi ástand hjá okkur í efnahagsmálunum er nú léttvægt miðað við hörmungar fólks um víða veröld.

Auðvitað er eðlilegt að við viljum rétta hjálparhönd og gera okkar til að örfáir einstaklingar eigi möguleika á að skapa sér betra líf. Auðvitað fylgja vandamál að taka á móti flóttafólki,en samt sem áður hefur það sýnt sig að allur undirbúningur hér hefur verið góður og almenna reglan er að vel hefur tekist til.

Að sjálfsögðu þolir okkar litla samfélag ekki að taka á móti mörgum,en ég held að þess sé gætt.

Svo er annað og meira vandamál móttaka svokallaðra hælisleitenda. Nú sýnir reynslan að ákveðnir aðilar reyna að villa á sér heimildir til að komast inní landið.Það er því eðlilegt að eftirlit sé mjög hert gagnvart þessum hópi fólks.Erlendir aðilar sem eru að reyna að koma sér inní landið á fölskum forsendum eru ekki velkomnir.

Á síðustu árum hefur orðið mikil breyting með tilkomu mikils fjölda erlendra aðila sem stunda hér vinnu tímabundið. Auðvitað fylgja vandamál að fá fólk með ólíka siði og menningu inní landið. Hinum megum við samt ekki gleyma að uppbygging hér á síðustu misserum hefði ekki orðið nema með vinnuframlagi þessa fólks.