VARLA VENJULEGUR STRÁKUR

Það er skrítið ef þessi náungi hefur cerið talinn ósköp venjulegur strákur. Það getur varla verið annað en hann hafi sýnt einhver furðuleg einkenni miðað við þann hroðalega glæp sem hann framdi. Skelfilegt var að heyra fréttirnar frá Finnlandi um byssueign landsmanna. Talan 1,6 milljón byssur er með ólíkindum og það hversu frjálsleg lög um þetta eru þar í landi.

Það er óhugnanlegt að svona atburðir skuli geta gerst ítrekað og að voðaverkin hafi fengið kynningu á netinu áður.Lögreglumönnunum sem ræddu við morðingjann deginum áður hlýtur að líða illa að hafa sleppt honum. Furðulegt miðað við myndbandið sem sýnt var að maðurinn skyldi fá að ganga laus og halda sinni byssu.

Í nútíma þjóðfélögum flæða yfir okkur alls kyns glæpamyndir og leikirnir sem hægt er að stunda á netinu eru ekki allir mjög fallegir. Börn og unglingar sem lifa sig inní ofbeldisleikina er hætta búin. Allt það ofbeldi sem boðið er uppá hlýtur að hafa áhrif,svo einfalt er það.

Það er ekki skrítið að margir séu hyggjufullir yfir þróun mála hérlendis. Ofbeldisverk fara vaxandi. Virðingarleysi fyrir lögreglu er vaxandi.Við getum ekki lengur litið á land okkar að þar sé svo friðsælt og rólegt að svona atburðir eins og í Finnlandi geti ekki gerst hjá okkur.

 

Þess vegna er nauðsynlegt að efla lögregluna í stað þess að draga úr starfi hennar.

„Hann var bara venjulegur strákur“

Athugasemdir

[páll (IP-tala skráð) 24.9.2008 kl. 13:56]

Segir í fréttinni að maðurinn hafi verið m.a í skamma stund í hernum. Hann hefur væntanlega lifað sig inn í ofbeldi osfv. Frekar þar heldur en í einhverri mynd eða tölvuleik.

[Matti Kakkalakki (IP-tala skráð) 24.9.2008 kl. 17:12]

Finnska lögreglan er ekki starfi sínu vaxin, það er augljóst.