VERÐUR DAVÍÐ KENNT UM ?

Komi til þess að Magasin og fleiri stórfyrirtæki verði seld hverjum verður þá kennt um? Nærtækast hlýtur að vera að kenna Davíð Seðlabankastjóra um. Er ekki lánsfjárkreppan í heiminum Davíð að kenna? Það er eins og sumir menn haldi að allt slæmt sem gerist sé Davíð að kenna.

Eru þessar fjárfestingar Íslendinga erlendis ef til vill ekki eins frábær og haldið hefur verið fram?

Fóru þessir aðilar kannski allt og geist í hlutina? Eru þetta ekki sömu aðilarnir að stórum hluta sem eiga (áttu) stærsta hlutinn í Glitni.

Rétt er að undirstrika það sem Björgvin viðskiptaráðherra sagði í kvöld. Ríkisstjórnin ræddi nokkrar leiðir vegna vanda Glitnis. Það var ríkisstjórnin sem tók þá ákvörðun að kaupa 75% hlut í bankanum.

Samfylkingin ekkert síður en Sjálfstæðisflokkurinn stóðu að þessari ákvörðun.Varla skipar Davíð Oddsson ráðherrum Samfylkingarinnar fyrir verkum.

Ótrúlegt finnst mér ef almenningur á Íslandi hefði heldur kosið að Glitni væru lánaðir 86 milljarðar af almannafé með þeirri áhættu að allt það fé myndi tapast.Það hlýtur að hafa verið skynsamlegra að kaupa hlut í bankanum til að bjarga málum.

 

 

Gætu þurft að selja

Athugasemdir

[haraldurhar, 1.10.2008 kl. 00:14]

Áhugavert væri að þú skilgreindir hver er munurinn á að lana 86 milljarða gegn veði, eða leggja 86 milljarða í formi hlutafés.   Þessi vísindi þín er alveg ný kenning er mig lagnar til að fræðast um.

[Stefanía, 1.10.2008 kl. 00:23]

Ég skil þessi vísindi !  Ég vil allavega ekki....sem skattgreiðandi og meðalJóna þessa lands....ekki ganga í ábyrgð þessara braskara !  Þvílíkt sukk sem búið er að vera á þessum Jónum !  Það hlaut að koma að því.

[sandkassi (IP-tala skráð) 1.10.2008 kl. 02:49]

jú jú ætli það ekki, en söngurinn um vonda karlinn hann Davíð er orðinn mjög þreyttur. Á endanum verða menn að axla eigin ábyrgð.

[sleggjudómarinn (IP-tala skráð) 1.10.2008 kl. 03:32]

haraldurhar: Hver er munurinn? segir þú. Hann er sá að í öðru tilvikinu er ríkið hluthafi en í hinu er það ekki svo. Þetta er munur sem allir heilvita menn sjá. Það er ekki ný kenning að á því sé munur.

[Sigfús (IP-tala skráð) 1.10.2008 kl. 05:54]

Davíð er samnefnari fyrir þá stjórnmálastefnu sem hann aðhyllist. Hann má eiga það, að hann er trúr sinni stefnu. Ríkissjóður hefur hagnast sem aldrei fyrr á þessu brölti, þar til nýverið. Nú er komið á daginn að nýfrjálshyggjan (græðgisvæðingin) er farin að eta börnin sín. Isminn hefur beðið skipbrot. Nú er bara að hleypa öllu á bál og brand, og svína skítnum yfir á þátttakendur leikendur.

Það er einkum tvennt sem heillar mig í þessum farsa, annarsvegar er það sleikjuskapur samfylkingarinnar gagnvart sjálfstæisflokknum, og hins vegar þolinmæði kjósenda gagnvart umbjóðendum sínum.

[eval (IP-tala skráð) 1.10.2008 kl. 07:59]

Er það að lána ekki það hlutverk sem seðlabankar vestrænna ríkja hafa verið að taka? 

Ef eigið fé bankans er 200.000m hvernig gat það verið að hann hafi ekki haft veð fyrir þessu.

A.m.k. er ég sem hægrisinnaður mjög á móti eignartöku ríkisins í svona félögum

[Snorri Arnar Þórisson, 1.10.2008 kl. 08:45]

harldurhar. Það er stór munur. Ríkið getur seinna meir sem stærsti eigandi sett meira fjármagn í Glitni ef þarf. Þegar þessi krísa líður svo hjá og bankinn verður seldur þá fær ríkið(við) arð af þessari áhættu. Það vill ég frekar heldur enn að lána þessum mönnum á slæmum veðum og svo hyrða þeir allan arðinn ef þetta gengur upp hjá þeim.

[Snorri í Betel (IP-tala skráð) 1.10.2008 kl. 09:20]

Sæll og  blessaður

Nú er mikið að gerast. Stefnan virðist samt nokkuð ljós. Við stefnum í ríkisvæðingu- eða kommúnisma? Þegar bankar geta ekki fjármagnað sig þá getur ríkið það og þá verður ekki hjá því komist að til að bjarga kerfinu verður væntanlega ríkisvæðing. ég átti reyndar ekki von á því að það yrði gert  af forystu Sjálfstæðisflokksins. En svona er margt að hfuni komið, meira að segja einkavæðingarhugsjón og sjáflstæðisstefna.

Auðvitað er Davíð kennt um - hann hefur verið skotskífa vinstri aflanna í lengri tíma og fjölmiðlar landsins eru jú hallir undir vinstri-ríkisvæðingu en ekki hægri-ríkisvæðingu.

En sjá menn ekki að núverandi ástand í "alheims-væðingunni" er að stofna nýtt peningakerfi, gefa ný viðmið? Þetta eru afar athyglisverðir tímar!

kær kveðja

Snorri í Betel

[IG (IP-tala skráð) 1.10.2008 kl. 10:56]

Þetta er hreint og klárt bankarán. Sjálfstæðismenn og Samfylking eru að gerast þjófar undir stjórn yfirþjófsins Davíðs Oddssonar.
Sjallar og Samfó eru bæði jafnsek í þessu máli og til fjandans með þetta lið. Eini ljósi punkturinn í þessu að við munum innan fárra mánaða neyðast til að ganga í ESB þar sem hagkerfið hér verður svo gott sem hrunið. Eða eru menn það heimskir að halda að það sé hægt að stela 200 milljörðum af einhverjum án þess að hann og allt hans næsta umhverfi finni verulega fyrir því?

[Jóhannes Þorsteinsson (IP-tala skráð) 1.10.2008 kl. 12:02]

Hvernig stendur á því að þú stendur í öllum þessum skrifum sem sveitarstjóri Skeiða- og Gnúpverjahrepps? Eru skriftirnar hluti af starfslýsingu þinni eða gerir þú etv ekki greinarmun á einkamálum þínum og hlutverki þínu sem sveitarstjóri?

Ég ber það mikla virðingu fyrir þeim frændmennum mínum sem ég á í ríki þínu að ég bið þig vinsamlegast um að halda því ekki lengur fram við almenning að þeir hafi ráðið þig til þessara skrifa.

[Heimir Lárusson Fjeldsted, 1.10.2008 kl. 12:23]

Baugsheilkennið er víða að finna meðal þjóðarinnar.

[Heimir Lárusson Fjeldsted, 1.10.2008 kl. 13:17]

Ekki bara stórt hjarta heldur víðsýni líka Guðlaugur!

[ingo skulason (IP-tala skráð) 1.10.2008 kl. 15:28]

Það er ég viss um að þegar Osama Bama eða hvað hann heitir svarti kallinn in Ameriku

Þagar hann tapar Forseta kosningunum í haust.Þá mun hann segja Þetta er allt Davíð að kenna

[Heimir Lárusson Fjeldsted, 1.10.2008 kl. 15:39]

Á ekki að fara að hækka strætófargjöldin á höfuðborgarsvæðinu?

Að hann Davíð skuli gera okkur þetta.

[Sigurður Jónsson, 1.10.2008 kl. 16:05]

Ég hef heyrt að einhverjir eru að halda því fram að skrif mín séu skoðanir Skeiða-og Gnúpverjahrepps. Ég hef bent á að sveitarfélagið hefur sérstaka heimasíðu sem ég skrifa oft á,sem sveitarstjóri. En svo menn séu ekki að rugla saman mínum persónulegu skrifum og sveitarfélagaskrifum, hef ég ekki lengur á síðunni titilinn sveitarstjóri.Það á þá ekkert að fara milli mála að skrif mín hér eru mínar einkaskoðanir á málunum.