Riðlast flokkakerfið fyrir næstu kosningar.

Það kemur svo sem ekkert á óvart að meirihluti þjóðarinnar sé hlynntur að ganga í Evrópusambandið. Miðað við ástand efnahagsmála hefði önnur niðurstaða komið á óvart.

Það kemur ekkert á óvart að Samfylkingin skuli nánast vera einhuga í sinni afstöðu. Það hlýtur reyndar að auðvelda flokknum mjög kosningabaráttuna næst,því eflasut verður ESB eitt aðal kosningamálið,hvort sem verður kosið í vor eða seinna.

Reyndar er niðurstaðan hjá Vinstri grænum hreint ótrúleg,en um 45% kjósenda þeirra eru hlynntir aðild. þetta er merkilegt fyrir þær sakir hversu forystan hefur ávallt talað gegn ESB. Fróðlegt verður að fylgjast með hvernig flokkurinn tekur á þessu.

Það er einnig merkilegt að einungis 24% Smjálfstæðismanna lýsa yfir stuðningi við ESB,en 54% segjast vera á móti. þetta hlýtur að setja flokkinn í ansi mikinn vanda. Reyndar er það nú svo með Sjálfstæðisflokkinn að hann hefur hingað til náð að berja sig saman í erfiðum málum eins og t.d. sjávarútvegsmálunum. Kannski finnst einhver málamiðlun á Landsfundinum.

Framsóknarflokkurinn og Frjálslyndir standa einnig frammi fyrir að flokkarnir eru mjög klofnir í afstöðunni til ESB.

Fróðlegt verður að fylgjast með hvaða áhrif þetta hefur á flokkakerfið í landinu. Áhrifin eru nú þegar að koma í ljós hjá Framsókn. Líkur eru til þess að stofnaður verði nýr flokkur,sem örugglega verður með það á stefnuskrá sinni að vera á móti ESB.

Taki hinir flokkarnir það upp að vilja hefja viðræður við ESB er spurning hvort nýr flokkur gæti ná í fylgi andstæðinga ESB í þeim flokkum

Ef eitthvað er að marka þessa skoðanakönnun standa allir flokkar utan Samfylkingin frammi fyrir stóru vandamáli.

Svo er það auðvitað spurning hvort ný öfl spretta upp í framhaldi af aðburðum síðustu vikna í hruni bankakerfisins og gjörbreyttrar stöðu landsins.

Allar líkur eru til þess að framundan séu miklar sviptingar í íslenskri pólitík.

Meirihluti styður ESB-aðild

Athugasemdir

[Sigurður Þórðarson, 20.11.2008 kl. 03:38]

Ég óttast mest að Sjálfstæðisflokkurinn muni taka afstöðu sem skaðar þjóðarhagsmuni til þess að bjarga stjórnarsamstarfinu. Það er ljóst að Samfylkingin mun  ekki líða Sjálfstæðisflokknum að hafna ESB aðild.

[Ragnar Gunnlaugsson, 20.11.2008 kl. 10:39]

Mjög ánæjulegt að sjá hversu mikil andstaða er við ESB innan Sjálfstæðisflokksins, ég vona að forustan bregðist ekki,þá væri ég farinn.

[Hermann Kr. Jónsson (IP-tala skráð) 20.11.2008 kl. 10:39]

Sæll félagi 1945.

Ég tel að þessi eilífa umræða um ESB sé á algjörum villugötum. Við þurfum á eitt borð alla kosti og alla galla aðildar. Stutta en snarpa umræðu hinna pólítísku afla og hinna almennu borgara. Síðan atkvæðagreiðslu meðal þjóðarinnar, já eða nei.

[Júlíus Björnsson, 20.11.2008 kl. 18:23]

Það eru margir sem telja að Íslendingar væru í ESB þá væri harðar tekið á svínurum óháð hvaða flokki þeir hallast að. Menn eiga uppskera eins og þeir sá. Þeir sem rústuðu alþjóða bankatrausti og stefndu því þjóðaröruggi í hættu verða að fá að verja sig. Það geta all gúgglað árið 2007 og kynnt sér alþjóðlegabanka umræðu um íslenska banka. Það lá fyrir um haustið 2007 hvað væri í uppsiglingu. Sumir hafa greinlega neitað því að þeir væru að missa allt úr hendi sér. Kapp er best með forsjá. Sníða sér stak eftir vexti. Eru íslensku viðmiðin sem voru lítisvirt.   Neyðin kennir naktri konu að spinna. Sókn er best vörnin. Eru gildi sem áttu ekki við.

[Einar Sigurbergur Arason, 20.11.2008 kl. 22:40]

Hermann: Ég er sko sammála því að við þurfum að fá alla kosti og galla upp á borðið. Núna snýst þetta um upphrópanir og nánast skyndilausnir. Hin íslenska aðferð - bjarga öllu hið snarasta, ekkert að skoða þetta djúpt.