Gott hjá Jóni þingmanni Sjálfstæðisflokksins.

Það var tímabært að einhver þingmaður Sjálfstæðisflokksins segði sína skoðun á yfirlýsingum ráðherra Samfylkingarinnar.Auðvitað er yfirlýsingagleði framámanna Samfylkingarmanna þvert gegn Sjálfstæðisflokknum óþolandi. Nú hlýtur Ingibjörg Sólrún formaður Samfylkingarinnar að verða krafin svara um það hvort það sé vilji flokksins að slíta stjórnarsamstarfinu og boða til kosninga.

Það er í sjálfu sér ekkert óeðlilegt við að láta kjósa í vor,en það hlýtur fyrst að þurfa að ræða það milli flokkanna áður en ákveðnir ráherrar gefa yfirlýsingar um það í sjónvarpinu.

Gagnrýnir Björgvin og Þórunni

Athugasemdir

[Jón Snæbjörnsson, 21.11.2008 kl. 09:46]

Jón hefur verið týndur í marga mánuði hrökk við þegar hann reis upp  - en batnandi mönnum er best að lifa - pottþétt að kosningar eru gjörsamlega ekki í dagskrá núna - en vissulega skilur maður Samfylkinguna eru með góða stöðu í könnunum það er samt ekki tími í 4 - 6 mánaða kosningarslag eins og staðan er núna - ég segi NEI við kosningum á næsta ári

[Eðvarð Hlynur Sveinbjörnsson, 21.11.2008 kl. 09:55]

Jón er bara skíthræddur við að missa vinnuna ef farið verður í kosningar núna, einn af þessum mönnum sem leggur ekkert til á þingi eins og margir aðrir þarna.  Mætti fækka þessum þingmönnum niður í c.a. 31.  Þetta er upp til hópa fólk sem er að ota sínum tota og er skítsama um allt annað, mögulega einn og einn þingmaður sem hefur áhuga á að gera eitthvað uppbyggilegt.

[Draumey (IP-tala skráð) 21.11.2008 kl. 10:47]

Hver er Jón? Er hann á þingi?

Hann fær væntanlega laun fyrir að vera leyniþingmaður......

Enginn sem kannast við hann á mínum vinnustað (og hér vinna samt tæplega 100 manns)

[Skarfurinn, 21.11.2008 kl. 14:20]

Ég er hissa á þér Sigurður sem hreppstjórnarmanni að hrósa þessum Jóni "týnda" fyrir hans upphrópun. Miðað við allt aðgerðarleysi verkstjórans Geir Haarde sem vill engu breyta í stjórnum SÍ & FME þrátt fyrir risa mistök þeirra og hróp þjóðarinnar um breytingar þ.e.a.s. að þeir sem sofnuðu á verðinum víki fyrir mönnum með traust, þá tek ég ofan fyrir Björgvini & Þórunni að fara eftir sannfæringu sinni og opna munninn. Fyrsta boðorð allra þingmanna (og ráðherra) er að fara eftir sannfæringu sinni, en þið sjálfstæðismenn viljið engu breyta þó allt sé í tómu tjóni. 

[Kristján H Theódórsson, 21.11.2008 kl. 14:24]

Þessi Jón er varla margra fiska virði!

[Urf (IP-tala skráð) 21.11.2008 kl. 15:25]

Athyglisvert að áður ósýnilegir þingmenn Sjálfstæðisflokksins skuli rjúka upp með skammir vegna þess að ráðherrar láta í ljós skoðun sína á tímasetningu kosninga á sama tíma og bæði forsætisráðherra, aðrir ráðherrar Sjálfstæðisflokk og hinn þögli þingflokkur segja ekki orð þegar formaður stjórnar Seðlabankans sakar forsætisráðherra og ríkisstjórnina í heild um að btæa við skulduböggum á þjóðina án þess að "lög standi til". Þetta er grafalvarleg ásökun, ekki síst frá svo háttsettum embættismanni í lykilstofnun. Seðlabankastjóri hefur að auki nýlega undirritað áætlun um efnahagslegan stöðugleika sem viðkomandi þarf að vinna með ríkisstjórn af fullum heilindum eigi árangur að nást.

Finnst bæði þér og öðrum Sjálfstæðismönnum það allt í lagi að Seðlabankastjóri brigsli forsætisráðherra um að fremja nánast lögbrot til að valda heimilum og fyrirtækjum í landinu skaða?

[Júlíus Björnsson, 21.11.2008 kl. 17:39]

Farið hefur fé betra. Ekki er gott að eiga spillingar þræl að einkavin. Hver er guðfaðir fylkingarinnar? Hver er  vendari keðjuhringanna? Er það "Hrói Höttur" í sjónhverfingu blekkingarinnar?  

[marco (IP-tala skráð) 22.11.2008 kl. 02:22]

Sigurður.  Nú hefur þú um langan aldur gengið erinda spilltustu klíku norðan alpafjalla (a.m.k.) og þegið fyrir laun og sporslur. 

Enn ertu trúfastur klíkunni sem gaf fáum útvöldum auðlindir landsins og verðmætustu fyrirtækin og er nú búin að setja þjóðina á hausinn. 

Sefurðu vel á nóttunni?  Eða ferðu kannski sofandi gegnum lífið?