Engin vandi að svindla segir Vilhjálmur.

Eflaust má deila um gjaldeyrislögin sem nú er búið að setja til að reyna að varna því að krónan hrynji gjörsamlega. Það er dálítið furðlegt að heyra yfirlýsingar sumra forysrumanna atvinnurekanda og verslunar þegar þeir segja að við séum að fara afturábak í tímanum hvaðgjaldeyrisviðskipti áhrærir. Auðvitað er margt til í því,en áttum við einhverja aðra kosti.Við verðum að sætta okkur við skilyrði Alþjóðasjóðsins og aðrar þjóðir hefðu ekki komið okkur til hjálpar.Við verðum hreinlega að kyngja því að við erum ekki í sömu stöðu og áður.

Fáránlegt var að heyra yfirlýsingar Vilhjálms Egilssonar framkvæmdastjóra samtaka atvinnulífsins um að það væri nú lítill vandi að fara í kringum þessi lög. Er það ekki hlutverk atvinnurekenda eins og annarra að taka þátt í vandanum og hjálpa til við endurreisnina.

Hvað ætlar Vilhjálmur að gera ef einhver atvinnurekandi hringir til hans og segir: " Vilhjálmur ég náði ekki alveg því sem þú varst að segja hvernig hægt væri að fara framhjá þessum nýju lögum um gjaldeyrissviðskiptum. Getur þú hjálpað mér svo ég þurfi ekki að vera að skila þessum gjaldeyri til landsins.

Ætlar framkvæmdastjóri atvinnulífsins að  hjálpa slíkum aðilum?

Er nú ekki nóg komið af vitleysunni í bankamálunum og efnahagsmálunum? Getur ekki almenningur ætlast til þess af forystumönnum í atvinnulífinu að þeir sýni ábyrgð og sætti sig við íslensk lög.

Gagnrýni of harkaleg

Athugasemdir

[haraldurhar, 29.11.2008 kl. 00:17]

    Sigurður það þarf enga kennsu í því að taka umboðslaun né halda eftir andvirði af útflutingi, þetta átt þú allt að þekkja og hlítur að muna eftir þessu hér á árum áður.  Þetta eru einfaldlega staðreyndir er Vilhjálmur heldur fram. Það littla traust er við áttum erlendis hlítur að fara allt núna, er innistæðueigendur krónubréfa eiga ekki að fá greidd inneignir sínar, nema eftir geðþótta Seðlabankans.  Þessi aðgerð er einungis staðfestin á því að stjórnvöld hafa enga trú á gjaldmiðlinum.  Þú gerir þér væntanlega grein fyrir því að með þessum lögum verður nær ómögulegt fyrir sveitafél. ne fyrirtækjum að sækja sér erl. lánsfjármagn.

   Mín skoðun er sú að færa hefði átt stýrivexti niður í 5%, setja krónuna á flot og leyfa henni að fara þar sem markaðurinn setur hana, nota tækifærið meðan hún er sem aumust að greiða upp jöklabréfin og önnur krónulán erlendis.  Það er ekki oft sem tækifæri gefst á því að greiða upp lán á hlálfvirði.  Vitaskuld hefði átt þessu samhliða að taka lánskjaravísitöluna úr sambandi, og frysta öll gjaldeyrirslán heimila og fyrirtækja.  Þegar þessi hvellur væri afstaðinn og krónan búinn að ná jafnvægi og farinn að sýna styrkingu, má setja lánskjaravísit. aftur í samband á því gildi er hún var aftengd á.  Gjaldeyrisláninn sett aftur í samband og hefja skoðun á því hverir væru borgunarmenn fyrir sínum skuldum,  og semja við þá,  þeir sem ekki fræðilega gætu staðið við sín lán væri gert kleyft að fara á hausinn án þess að þeir misstu æruna né væru með skuldheimtumenn á eftir sér til margara ára.

[Hörður Már Karlsson (IP-tala skráð) 29.11.2008 kl. 09:16]

    Ja, Sigurður minn það margt sem gengur á hjá ykkur sjöllunum þessa daganna. Nú verðið þið að henda frelsis guðinum og fara lúta hafta guðinum. Hvar endar niðurlægingin henda kvótakerfinu næst. Það er dálítið komískt að nú liggja sjallarnir og krónan banaleguna saman.

[Sigurður Þórðarson, 29.11.2008 kl. 09:40]

1. Það eru eflaust margir sem sjá þessa pörupilta svona fyrir sér Sjá hér

[Guðbjörn Guðbjörnsson, 29.11.2008 kl. 11:32]

Ég er algjörlega sammála Sigurði og mér mislíkuðu nákvæmlega eins og honum ummæli Vilhjálms Egilssonar og hans skósveins, Gylfa Arnbjörnssonar, forseta ASÍ, mjög. Með þessum aðgerðum var einmitt verið að hugsa um hag heimilanna og fyrirtækjanna í landinu, en ekki einhverra fjárfesta, sem í græðgi sinni ákváðu að kaupa íslensk krónubréf til að græða á vaxtamuninum hér og annarsstaðar. Þetta fólk tók áhættu - vogum vinnur, vogum tapar. Og þetta fólk er svo sem ekki að tapa neinu með því að bíða með að fá borgað, frekar að það tapaði með því að taka út peningana núna á því gengi, sem nú er.

Í ástandi sem þessu verður að handstýra framboði og eftirspurn eftir gjaldeyri, en nákvæmlega eins og forsætis- og utanríkisráðherra sögðu er um tímabundna ráðstöfun að ræða.

Við Sigurður erum örugglega sammála Haraldi Har. að best væri að láta markaðinn sjá um þetta, en það er því miður ekki valkostur við þessar aðstæður. Hins vegar á að virkja markaðinn eins fljótt og hægt er í þessum málum sem öðrum, því hann skilar skilvirkustu niðurstöðum í nær öllum tilfellum. Þar sem markaðsbrestir koma fram þarf að virkja ríkisvaldið, líkt og er gert núna. Þetta er eitthvað, sem stundað hefur verið í blönduðum hagkerfum - og jafnvel í Bandaríkjunum - allt frá byrjun síðustu aldar og það mun ekki breytast.