Spunameistarar samsæriskenninga slá fyrri met.

það er spaugilegt að fylgjast með hvernig spunameistarar vinstri manna og nokkrir fjölmiðlamenn reyna nú af öllum mætti að búa til samsæriskenningar um mikil og gífurleg átök innan Sjálfstæðisflokksins. Spáð er þesi átök séu svo hrikaleg að allt eins líklegt sé að flokkurinn klofni. Talað er um Geirs arminn,Davíðs arminn,Þorgerðar Katrínar arminn og væntanlega mun fleiri arma.

Merkilegt að öll þessi barátta skuli fara framhjá manni.Ég er eiginlega hálf móðgaður að engin armur skuli hafa samband.

Spunameistararnir hafa haldið því fram að Þorgerður Katrín varaformaður stefni á að velta Geir úr formannssætinu. Nerkilegt nokk,ég hef heyrt Þorgerði Katrínu segja það á fundum og i fjölmiðlum að hún treysti engum betur en geir til að leiða flokkinn.

Spunameistararnir hafa haldið því fram eftir að haft er eftir Davíð í dönskum fjölmiðli að hann gæti hugsað sér stjórnmálaþátttöku aftur verði honum bolað úr Seðlabankanum að hann ætli að sækjast eftir forystu eða jafnvel bjóða sér fram.

Davíð var spurður að því. Styður þú Geir sem formann. Davíð svaraði Já,það geri ég.Samt spyrja fjölmiðlar þingmenn Sjálfstæðisflokksins, telur þú líklegt að Davíð muni vinna Geir í formannskosningu á landsfundi. Hvers konar fjölmiðlamennska er þetta eiginlega. Hefur nokkurs staðar komið fram, jafnvel þótt Davíð ætlaði sér í stjórnmál aftur að hann sé að bjóða sig fram til formanns í Sjálfstæðisflæokknum.

Sagt er að Davíð muni fara fram gegn Sjálfstæðisflokknum ef samþykkt verður að óska eftir aðildarviðræðum við ESB á landsfundi Sjálfstæðisflokksins. Davíð sagði, samþykki landsfundur að stefna að aðildarviðræðum við ESB munég ekk standa í vegi fyrir því.

Geir H.Haarde hefur sagt, að samþykki landsfundur að taka upp aðildarviðræður við ESB muni hann leiða flokkinn í þeim viðræðum.

Það er með ólíkindum hvernig sumir fjölmiðlamenn með góðum undirtektum vinstri manna og jafnvel Samfylkingarfólks reyna að spinna upp að allt logi í illdeilum og átökum innan Sjálfstæðisflokksins.

Auðvitað eru skiptar skoðanir um hugsanlega aðild að ESB innan Sjálfstæðisflokksins eins og í öðrum flokkum. Samfylkingin er eini flokkurinn sem hefur tekið afstöðu með ESB aðrir flokkar eru að fara ofaní þau mál í sínum stofnunum. Auðvitað mun afstaða verða tekin á málefnalegum grunni. Athyglisvert er t.d. að fylgjast með Vinstri grænum.Ég held það sé skynsamlegt að gefa fólki tækifæri bá að kjósa um það hvort við eigum að fara í viðræður eða ekki. Verði samþykkt að fara í viðræður, fær þjóðin svo að kjósa um þann samning sem myndi nást. Þannig er lýðræðisleg meðferð málsins tryggð.

 

 

Athugasemdir

[Guðmundur R Lúðvíksson, 8.12.2008 kl. 00:25]

Heill Siggi.

Allveg er það makalaust hvernig ykkur tekst alltaf að stilla upp einhverju sem er afar hlutlægt, " hægri og vinstri ". Nær væri - og ég er sannfærður um að muni gerast, að í stað þessara hugtaka komi " skinsemi og óskinsemi ".  Annað orð sem þér og flokksmönnum þínum er afar tíðrætt er en það er, " spunameistari". En þetta orð kemur fyrst fram frá yfirflokksmanni þínum. eða Davíði Oddsyni. Hann innleiddi þetta hugtak og notaði sí og æ, og þið nú apið upp til að sýnast voðalega flottir og gáfaðir. Eitt er alveg á hreynu, 60% a íslendingum hefur enga trú á stefnu Sjálfstæðisflokksins, henni er skí sama um stefnu flokksins, og hvort hann hefur vit eða þroska til að horfa til einhverrar framtíðar. Flokkurinn er hvort eða er, búinn að koma þessari þjóð nánast í gjaldþrot. Spunameistarar hafa engu fengið um það að ráða. Glætan í myrkrinu er að enn hefur flokknum ekki tekist að taka kosningarétt af fólkinu í landinu. Flokknum tókst að taka sjávarútveginn og fiskinn af fólkinnu ( eins og þú manst þegar við vorum í Eyjum ) og setja nánast allar byggðir landsins á höfuðið ( nota ben ! á aðeins 17 árum ). Ég get alveg lofað þér Siggi minn að 94% af fólki landsins er nákvæmlega sama hvort þessi Davíð fer í framboð eða ekki. Vonandi verður hægt að losna við hann úr Íslensku umhverfi án átaka.  Sjálfstæðisflokkurinn hefur ALDREY - taktu eftir - ALDREY  ljáð vilja til að efna til þjóðaratkvæðis , ekki einu sinni í fjölmiðlafrumvarpinu fræga. Sem þið fenguð beint í andlitið.  Sjálfstæðisflokkurinn er gamaldags afturhaldsamur hagsmunaflokkur, sem tíðkaðist í kringum 1960 í Rússlandi ( var kallaður " Kommónístaflokkur " ). Þannig er Sjálfstæðisflokkurinn fyrir mér í dag. Því miður veit hann ekki hvað lýðræðisleg meðferð er á málum.

Með kveðju,

Guðmundur R úðvíksson, myndlistamaður.

[Guðbjörn Guðbjörnsson, 8.12.2008 kl. 07:51]

Já, Sigurður! Þótt maður sé nú kannski ekki innvígður og innmúraður, ætti maður að vita af slíkum ágreiningi.

Rétt er að sjálfstæðismenn eru ekki allir á sömu skoðun varðandi ESB aðild, en sá ágreiningur einskorðast ekki einungis við Sjálfstæðiflokkinn, heldur einnig Vinstri Græn, Framsóknarflokkinn, Frjálslynd og jafnvel Samfylkinguna. Ágreiningurinn hjá Vinstri grænum og Framsóknarflokknum mun sennilega koma betur í ljós á landsfundum þeirra flokka, ef ESB fólkið er ekki einfaldlega hætt í þeim flokkum, líkt og margir hafa gert í Sjálfstæðisflokknum. Það verður því ekki beinn klofningur, heldur hættir fólk í sínum gömlu stjórnmálaflokkum. Menn hafa í gegnum tíðina gagnrýnt Landsfundinn, sem hallelúja samkomur og talað um rússneskar kosningar. Nú kemur upp eitt einasta mál - þótt stórt sé - sem hægri menn eru ósammála um og þá er strax talað um klofning! Við skulum bíða og sjá hvað gerist á fundinum.

Guðmundur:

Sæll gamli vinur! Þú mátt hafa þína skoðun á mínum flokki - ekkert vandamál. Varðandi fjölmiðlamálið, held ég að þjóðin sé núna loksins að átta sig á, hversu mikilvægt það frumvarp var fyrir þjóðina. Það er skammarlegt fyrir "vinstri menn" í landinu að hafa staðið á móti því frumvarpi og varið með því einokun "auðmanna" á íslenskum fjölmiðlum. Það var ekki síst vegna þessarar stjórnunar "auðmanna"á fjölmiðlun að nær engin gagnrýnin blaðamennska hefur farið fram í landinu síðastliðin 5 ár.

Það fyrsta sem einræðisstjórnir, hvort sem þær eru til vinstri eða hægri - gera er að ná stjórn á fjölmiðlum. Þetta er nákvæmlega sama aðferðafræði og "auðmenn" notuðu til að ná tökum á fjölmiðlaumræðunni og þar með umræðunni í landinu. þeir sköpuðu sér samúð og aðdáun landsmanna og komu í veg fyrir rannsóknir fjölmiðla og eftirgrennslan í þeirra málum. Jafnframt stóðu Baugsmiðlar fyrir gegndarlausum árásum á þá stjórnmálamenn, sem Baugur hafði ekki í vasanum eða snérust gegn þeim. Þetta ætti að vera öllum ljóst, jafnvel "vinstri menningarelítunni".

[Heidi Strand, 8.12.2008 kl. 08:27]

Sigurður.
Ég helt að það voru bara þið sem þurfti á spunameistara að halda.

[Hilmar Hafsteinsson (IP-tala skráð) 8.12.2008 kl. 12:58]

Sæll Sigurður minn. Róm brennur og þú spilar sama sjálfstæðislagið á fiðluna í hverri bloggfærslunni eftir annarri. Afneitun þín virðist vera svo skefjalaus að næsta skrefið hjá þér virðist vera að afneita sjálfum þér. Cogito ergo sum útleggst á frónskunni: Ég hugsa og þess vegna er ég til. Kannski er það einmitt málið; þú hugsar ekki Sigurður minn og þess vegna ertu í rauninni ekki til.

Vinsamlegast gerðu mér nú þann greiða að kíkja á þessa frétt: http://www.mbl.is/mm/frettir/innlent/2008/12/08/meirihluti_telur_motmaeli_endurspegla_vidhorf_thjod/, sem, merkilegt nokk, er birt Morgunblaðsvefnum (en þar er starfsmönnum borgað fyrir að hugsa): Rúmur helmingur telur að mótmæla- og borgarafundir endurspegli viðhorf þjóðarinnar. Svo er bara að virða lýðræðið Sigurður minn og hætta fiðluleiknum - hann er hvort eð er falskur og óviðeigandi.