Sammála Steingrími J.formanni VG.

Ekki er ég nú alltaf sammála málflutningi Steingríms J.Sigfússonar og félögum hans í Vinstri grænum. En í þessu máli varðandi það að gögn tapist hugsanlega í bönkunum er ég honum algjörlega sammála. Hvaða vit er í því að láta allt dingla eins og áður í fleiri fleiri vikur. Sama fólkið og áður sér um hlutina. Hvers vegna í óskupunum var það ekki tryggt strax í byrjun að ákveðnir aðilar væru fengnir til að hafa erftirlit með að engum gögnum væri eytt.

Ekki kaup nýja bankastjórans í Glitni og afgreiðsla Fjármálaeftirlitsins í þeim efnum er ekki traustvekjandi.

Hvers vegna þarf það að taka margar vikur að koma rannsóknarnefnd til starfa. Það gerir ekkert nema auka á tortryggni.

Dæmið sem Steingrímur J. nefnir er t.d. ennfremur til að auka á þann ótta fólks að ekkert muni gerast. Hvers vegna fær skattrannsóknarstjóri ekki gögn.

Ég get alveg sagt það hreint út að ef Sjálfstæðisflokkurinn ætlar að eiga von um fylgi í næstu kosningum verður hann að búa þannig um hnútana að öll rannsókn vegna bankahrunsins verði trúverðug og allt komi upp á borðið. Það mun ekki ganga upp í hugum almennings ef engin þarf að sæta neinni ábyrgð.

Því miður lofar byrjunin ekki góðu.

 

Gögn mega ekki glatast

Athugasemdir

[Sigurjón (IP-tala skráð) 9.12.2008 kl. 17:03]

Hvort sem þeir eru að leika sér að okkur eða vita hreinlega ekki í hvorn fótinn þeir eiga að stíga, þá er það orðið ljóst að þessir menn eiga ekkert erindi inni á þingi eða í þeim embættum sem þeir sitja! Ég hef alla tíð talið hægrimenn vera skipulagðari vænginn, haldið að þeim væri meira treystandi fyrir efnahagnum og til að halda uppi virku samfálagi en hinum sem sitja þeim á vinstri hönd, en ég er nú amk hættur að kjósa sjálfstæðisflokkinn, og er reyndar farinn að endurskoða álit mitt á þeirri stefnu sem hann hefur boðað... Ætli maður verði ekki bara orðinn kommi fyrir enda næsta árs!!

Mínar bestu,

 - Sigurjón