Fín hugmynd að stofna lágvöruverslun. Ætti að vera almenningshlutafélag.

Já,það er slæm tilhugsun að við þurfum hvort sem okkur líkar betur eða verr að  versla og kaupa þjónustu af sömu aðilunum og eru búnir að koma þjóðinni á hliðina. Eigna krosstengslin eru svo gífurleg að það er sama hvort við ætlum að kaupa í matinn,kaupa fatnað,ná í lyf,fara á veitingastað eða horfa á enska boltann. Alltaf erum við að afhenda peninga okkar til þessara sömu aðila.

Það var því ágætis hugmynd sem Jón Sullenberger kom með í dag að setja á stofn nýja lágvöruverslun. Hvort Jón er svo rétti aðilinn er svo annað mál. Best væri að almenningur tæki sig saman og stofnaði félag sem myndi koma á fót lágvöruverslunum. Ág er viss um að það væri hægt að ná til fólks og beina versluninni frá þeim sem sett hafa þjóðina í þann vanda sem við búum við í dag.

Mótmæli geta verið ágæt,en aðgerðir í þá áttina að almenningur tæki sig saman og stofnaði eigið félag og ræki verslanir myndi skila árangri. Það myndu hinir svokölluðu auðmenn skilja best,að þeir gætu ekki lengur kroppað af okkur peningana.

Hyggst stofna lágvöruverðsverslun

Athugasemdir

[Stefanía, 14.12.2008 kl. 23:09]

Það er dálítið notaleg þessi tilhugsun um " Kaupfélagið", ég man þá tíð

Ef neysluvenjurnar yrðu líka eins og þær voru í den tid, þá væri þetta í góðu lagi

[B.N. (IP-tala skráð) 14.12.2008 kl. 23:46]

Hvernig fór með lífeyrirsjóðina þeir eru í eigu almennings í landinu?

Baldvin Nielsen Reykjanesbæ

[b.jonsson (IP-tala skráð) 15.12.2008 kl. 01:24]

var að horfa á endursýnt SILFUR. ég vil fá að vita hvort það geti verið að ríkisstjórnin eða stjórnmálamenn séu flæktir í eitthvað ósæmilegt eins og Jón Gerald Sullenberger tæpti á í þættinum.  ég er orðinn fullur grunsembdar um að spillingin sé ofboðslega mikil og rotin. 

einnig vil ég vita um þessa peninga sem JÓN GERALD SULLENBERGER, talaði um seinast í þættin hjá honum AGLI í SILFRINU  hann talaði um stórar fjárhæðir í Landsbankanum í Breiðholti.

[Guðný (IP-tala skráð) 15.12.2008 kl. 15:14]

Halló ...

Ég vil vera með í kaupfélaginu ég man sko eftir Kaupfélagið Árnesinga sem var í minni heimabyggð.  Við skulum þangað til versla við þá sem eru ótengdir þessu rugli t.d versla lyf hjá litlu apótekunum t.d Rimaapóteki,Lyfjavel og Lyfjaver og kanna svo hvernig eignatengsl eru hjá t.d Krónunni og Fjarðarkaup og ef allt er í lagi þar þá við þangað þar til Kaupfélag Reykjavíkur " KR" opnar til dæmis í gamla BT húsinu í Skeifunni.

Áfram Ísland

Ein sem er alveg uppgefin á spillingunni