Fiskurinn skapar gjaldeyristekjur.

Væntanlega gera nú fleiri sér grein fyrir að fiskveiðar og fiskvinnsla er það sem skapar okkur öruggar gjaldeyristekjur. Það var lítið hald í því að flytja út pappír og spilaborgir.Við þurfum að vinna að því að gera sjávarútveginn enn mikilvægari á næstu árum. Hlustum betur á sjómenn landsins hvað varðar ráðleggingar um veiðar. þeir hafa sagt að mun meiri þorskur sé í sjónum heldur en fiskifræðingar halda fram. Hlustum á sjómennina og bætum nú aðeins við kvótann.

Samhliða allri uppstokkun á þjóðfélaginu og hið nýja Ísland verður að huga að grundvallarbreytingum á kvótakerfinu.það þarf að fara ofaní saumana á kerfinu. það er öruggt að í kvótakerfinu hefur verið mikil spilling. Það stendur skýrum stöfum að fiskurinn í sjónum sé sameign okkar allra. Nú er tækifærið að gera það ákvæði í stjórnarskránni raunhaæft.Það á að vera liður í endurreisn landsins. Þjóðin öll á að hagnast á fiskinum en ekki einhver þröngur hópur útgerðaraðals,sem jafnvel er ekki einu sinni að veiða sinn kvóta,heldur selur hann öðrum fyrir himin háar upphæðir.

Það er gífurlegt verkefni sem býður stjórnmálamanna í framtíðinni að byggja upp réttlátara samfélag.

 

 

 

Fiskað fyrir 920 milljónir króna

Athugasemdir

[Hörður Már Karlsson (IP-tala skráð) 20.12.2008 kl. 20:52]

Sigurður ertu ekki örugglega sjalli, eða er ég búinn að misskilja það. Sjalli mundi aldrei segja að það væri eitthvað að kvótakerfinu.

[Sigurður Jónsson, 20.12.2008 kl. 21:04]

Jú,ég hef alltaf verið Sjálfstæðismaður og er það enn. Ég hef þó í gegnum tíðina leyft mér að gagnrýna ýmilegt. Sjálfstæðisflokkurinn rúmar mörg sjónarmið. það hafa t.d. oft verið mikil átök um sjávarútvegsstefnuna á landsfundum. Svo er nú gamla kjörorðið. Flokkur allra stétta. Það sjá allir sanngjarnir menn að kvótakerfið er meingallað.

[Sigurður Þórðarson, 20.12.2008 kl. 21:28]

Núna líkar mér við þig nafni!

Varst þú einhvertíma í Gaggó Aust á unglingárunum?

[Steingrímur Helgason, 20.12.2008 kl. 22:43]

Já, þú ert klárlega fyrirmyndin af honum Ragnari Reykáz...

En samt dáldið töff af þér að viðurkenna að þú sjáir vitleyzuna.

[Adda (IP-tala skráð) 20.12.2008 kl. 22:47]

Flestir íslendingar halda að peningarnir verði til í bönkunum.

[Sigurður Jónsson, 20.12.2008 kl. 22:58]

Siguður Þórðarson. Aldrei í Gaggó Aust aftur á móti í Gaggó Vestmannaeyjar. Þar kynntist maður hvernig verðmæta er aflað.

[Sigurður Þórðarson, 21.12.2008 kl. 00:08]

Ég var líka lengi á sjó en var aldrei í Eyjum að frátöldum tímanum þegar gosið stóð yfir. Hef komið nokkrum sinnum eftir það en aðallega til að fara á Hásteinsvöll  og ganga upp á Stórhöfða. Mér finnst Eyjarnar vera algjör náttúruperla og það er ógleymanlegt að sigla í góðu veðri á milli eyjanna.

[marco (IP-tala skráð) 21.12.2008 kl. 09:13]

Segðu þig þá úr flokknum!! 

Ég ætla ekki að hæla þér neitt fyrir tækifærismennskuna.  Það eru menn eins og þú sem hafið í meðvirkni og von eftir bitlingum sett Ísland á hausinn.

Verður næsta færslan þín kannski um hvað Davíð hafi gert þjóðinni mikið gott?

Vindhani!!!

[Diesel, 21.12.2008 kl. 12:42]

Já, blár kall sem sér eitthvað annað en týrurnar í Davíð

Annars er tími til kominn að afturkalla kvótann til ríkis, það er gullið tækifæri til þess núna, auka svo aflaheimildir, fullvinna fiskinn á skerinu og reyna svo að koma honum í verð.

Endilega lesið svo þessa grein