Að virða skoðanir annarra.

Bloggið er frábær vettvangur til að fólk geti komið sínum skoðunum á framfæri og fengið viðbrögð við þeim. Einnig er flott að geta sagt sínar skoðanir á fréttum sem birtast á mbl.is. Sem betur fer er mikill meirihluti sem fjallar um skoðnir og fréttaflutning á málefnalegan hátt. Ég hef samt því miður orðið fyrir því gagnvart mínum skoðunum að innanum leynast aðilar,sem alls ekki geta skilið að það þurfa ekki allir að ver5a á sama máli. Grípa þeir aðilar þá til þess að vera með dónaskap og persónulegar svívirðingar og yfirleitt er það gert í skjóli nafnleyndar.Það er óþolandi og leitt til þess að vita ef slíkir aðilar verða til þess að ekki er hægt að halda uppi málefnalegum skoðanaskiptum.

Það er nú svo með okkur að við lítum misjafnlega á málin sem betur fer. Það væri lítið varið í tilveruna ef allir væru alltaf sammála. Það væri allavega ósköp lítill grundvöllur t.d. fyrir Silfri Egils Helgasonar ef svo væri.

Það er ekki bara að við höfum misjafnar skoðanir á málefnum heldur er það á nánast öllu. Við veljum okkur ekki öll sömu bílategund,sams konar föt eða mat og svo væri hægt að telja upp nánast endalaust.

Skoðanir Steingríms J.Formanns VG eiga fyllilega rétt á sér þótt ég sé yfirleitt ekki sammála þeim. Hann setur sínar skoðanir fram og rökstyður þær og verður svo að þola málefnalega gagnrýni.

Ingibjörg Sólrún er mjög sterkur og klókur stjórnmálamaður þótt ég sé henni nú ekki oft sammála. Ég vil nota tækifærið hér og óska henni góðs bata,þannig að hún geti tekið þátt í stjórnmálunum af fullum krafti.

Ég hef hér nefnt tvo merka stjórnmálamenn af mörgum sem gaman er að hlusta á og lesa greinar þótt yfirleitt sé maður sko aldeilis ekki sammála. 

Aðalatrið í öllum skoðanaskiptum er að maður viðurkenni rétt annarra til að hafa skoðun,þótt hún sé ekki sú sama og maður hefur sjálfur.

 

Fréttablogg og nafnleynd

Athugasemdir

[The Critic, 5.1.2009 kl. 16:27]

Ástæðan fyrir því að margir kusu að blogga nafnlaust er einföld. Fólk vill geta komið skoðunum sínum á framfæri án þess að eiga hættu að missa vinunna eða fá hringingar á nótinni eða heimsóknir fá fólki sem ekki er sammála þeirra skoðunum, nóg er af klikkuðu fólki á íslandi.

MBL hefur kt allra nafnlausra bloggara á skrá og því ekki erfitt fyrir þá að hafa uppi á þeim sem haga sér óskynsamlega á blogginu. Mogga bloggið mun nú verða mun fátækara því margir hafa ákveðið að hætta að blogga frekar en koma fram undir nafni.

[Hólmfríður Bjarnadóttir, 5.1.2009 kl. 16:56]

Sæll Sigurður og gleðilegt ár. Mikið er ég sammála þér þegar þú talar um að virða skoðanir annarra. Að virða skoðanir annarra er grunnundirstað lýðræðis og í raun eðlilegra mannlegra samskipta. Hjónabandið, fjölskyldulífið, samskipti á vinnustað, félagslíf, stjórnmál og samfélag. Allt byggist á því sama að virða skoðanir annarra. Ofbeldi í hvaða mynd sem er, virðist í grunninn vera tilkomið vegna skorts á því að virða skoðanir annarra. Ég er ekki sammála þeim sem telja sig ekki getakomið fram "undir nafni" og skrifað þannig. Ég kýs samt að virða það sjónarmið. Þeir sem nota þennann vettvang (netið) til að ata aðrar auri, eiga ekki mína samúð eða skilning. Vöndum okkar skrif og verum málefnaleg.

The Critic. Það er ekki verið að loka fyrir almennt nafnlaust blogg á mbl.is, heldur einungis að þeir sem vilja blogga um frétt af mbl.is og tengja bloggið við fréttina, verða að gera slík undir nafni. Sjá Fréttablogg og nafnleynd

[ThoR-E, 5.1.2009 kl. 17:34]

Nei Hólmfríður, það er ekki bara verið að loka fyrir nafnlaust blogg við fréttir á mbl.is heldur verða nafnlaus blogg hvergi á skrá á blog.is ... ekki í t.d ný blogg .. eða vinsæl blogg og svo framvegis.

Hvergi verður hægt að finna nafnlausa bloggara nema í bloggvinalistum hjá sér.

Fólk sem er málefnalegt og aldrei með leiðindi við neinn... dapurlegt að þetta sé að bitna á þeim. Fólk getur haft margar ástæður fyrir að blogga nafnlaust eins og Critic talar um hér fyrir ofan.

[The Critic, 5.1.2009 kl. 19:38]

Sigurborg: Væri þá ekki líka sangjarnt að Velvakandi og leiðari Moggans muni framvegis vera með fullu nafni þess sem skrifar það eins og það kemur fram í þjóðskrá? Það getur hver sem er áfram sett inn níðskrif á bloggið sem athugasemd við færslu. Í mörgum tilvikum þarf fólk ekki að innskrá sig til að setja inn athugasemdir og þar hefur ekkert breyst. Mogginn er með kt allra nafnlausra bloggara og gat á einfaldan hátt haft samband við þá eða gefið upp hverjir stæðu á bakvið skrifin ef tilefni var til.

[Diesel, 5.1.2009 kl. 20:16]

ég hef verið nafnlaus hér frá upphafi og hef lítinn áhuga á því enþá að koma fram undir fullu nafni. Ég hef ekki verið að neinum níðskrifum enda hefur það aldrei staðið til.

Mig langar samt að biðja ykkur um að lesa þessa grein

[Sigurður Jónsson, 5.1.2009 kl. 20:51]

Mér finnst allt í lagi að menn skrifi undir dulnefni sé það gert á málefnalegan hátt. Það er aftur ámóti óþolandi að menn feli sig á bakvið dulnefni og ausi svívirðingum yfir aðra.

[Diesel, 5.1.2009 kl. 21:15]

Sammála þessu síðasta hjá þér Sigurður.

[Skarfurinn, 5.1.2009 kl. 21:25]

Eins og Critic var að benda á þá er Mogginn með kt. allra sem blogga og ætti því að vera auðvelt að strika út eða loka af þá sem eru með svívirðingar og dónaskap ítrekað, mér finnst skemmtilegast að hafa flóruna sem mesta og leyfa bloggurum að ráða hvernig þeir kynna sig, þetta er jú allt til gamans ekki satt ?

[Sigurvin Kristjánsson (IP-tala skráð) 5.1.2009 kl. 21:51]

Hvað eru pólitíkusar að tala um að virða skoðanir annara og eða að skrifa á málefnalegan hátt,það er nú þannig að um leið og þeir eru komnir að kjötkötlunum þá skiftir engu máli skoðanir annara, ég tala nú ekki um ósköpin þegar þeir eru í hreinum meirihluta, eða geta haft annan flokk með sér sem hækju,nei Sigurður og þið sem ekki þolið krítík gerið eitthvað annað.Og það að ausa svívirðingum yfir aðra á ekki að eiga sér stað,en ég sé ekki munin hvort menn komi fram undir dulnefni eða heiti Sigurður Jónsson.

[Kristján Hrannar Pálsson, 5.1.2009 kl. 23:31]

Alltaf hefur mér fundist skrýtið sú heilaga áhersla að bera virðingu fyrir skoðunum annarra. Ég fyrirlít ýmsar skoðanir þrátt fyrir að bera óumdeilanlega virðingu fyrir mörgum þeim einstaklingum sem hafa þær.

Finnst þér ekki ákveðinn tvískinnungur að tala um að bera virðingu fyrir öllum skoðunum? Ber fólk ekki litla virðingu fyrir nasistum vegna skoðana þeirra? Hvað með ofsatrúarmenn, þá sem flokka fólk eftir kyni, eða þá sem svívirða samkynhneigða? Skoðanir ákveðins fólks hljóta alltaf að lita þína skoðun á því. Þú berð mjög líklega ekki virðingu fyrir skoðunum þeirra sem ég taldi upp hér fyrir ofan, ekki frekar en ég.

Hvort það fólk megi halda þessum skoðunum fram er algjörlega önnur umræða. Mér finnst þess vegna óheppilegt að þú blandir þessu tvennu saman.

Bestu kveðjur

Kristján

[Sigurður Jónsson, 5.1.2009 kl. 23:45]

Kristján.

Ég get verið þér um sammála að ég hefði frekar átt að orða það þannig að menn ættu að virða rétt annarra til að hafa skoðanir heldur en segja að bera virðingu fyrir skoðunum annarra án nokkurs fyrirvara þar um.Mítt sjónarmið er að maður eigi að virða það að fólk geti haft mismunandi skoðanir á málunum.

[Sigurvin Kristjánsson (IP-tala skráð) 5.1.2009 kl. 23:48]

Ég vona að ég hafi ekki komið með eitthvað rætið og eitt er víst að ég skrifa undir nafni,þetta sem ég hef sagt á blogginu um pólitíkusa hér  á landi er staðreynd sem ekki verður hægt að bera á móti.

Bloggið er spes.blog.is

[Baldur Hermannsson, 6.1.2009 kl. 04:06]

Ég tek undir orð the Critic. Margir nafnleysingjar hafa auðgað umræðuna hér á bloggsíðunum. Margir eru í þannig atvinnu að þeir geta ekki skrifað undir nafni - en eru reyndir, greindir og vel menntaðir og leggja margt markvert til málanna. Nafnleysingjum hættir ýmsum til að ausa yfir fólk fúkyrðum en eru þau ekki vita máttlaus og raunar hlægileg?

[Daníel Sigurður Eðvaldsson, 6.1.2009 kl. 04:53]

Skoðun er einfaldlega persónulegt álit á einhverju, allavega í minni orðabók. Ég virði flest allar skoðanir fólks en get verið þeim ósammála eða sammála. Sama skapi skil ég vel gagnrýni þeirra sem mótmæla. Eins og ég hef sagt áður hér á blogginu á ég nokkra bloggvini og uppáhalds bloggara sem kjósa það að blogga undir nafnleysi. Mér finnst það allt í lagi svo lengi að bloggið snúist ekki upp í svívirðingar og bull. Ég hefði því frekar viljað sjá mogga menn setja upp þannig fyrirkomulag að nafnlausir geti ennþá komið inn í umræðuna og sést á yfirlitsíðum svo lengi þeir hafi skráða kennitölu á sínu bloggi. Viðkomandi bloggari geti þá valið sjálfur hvort hann birtir eigið nafn eða ekki.