Bjarni Harðarson skemmtilegur en dugar það.

Bjarni Harðarson setti skemmtilegan svip á Alþingi á meðan hann sat þar.Hann var einnig manna skemmtilegastur í spjallþáttum. Spurning hversu langt þetta fleytir honum og félögum hans í nýja framboðinu.

Aðaláhersla Bjarna og félaga er andstaða við Evrópusambandið. Nú er spurning hversu mikið þetta mál verður í kosningabaráttunni. Eitthvað virðist Samfylkingin hafa sett þetta mikla baráttumál sitt til hliðar. Nú heyrist æ sjaldnar úr þeirra herbúðum að þetta sé úrslitaatriði fyrir flokkinn að ganga í ESB.

Samkvæmt skoðanakönnunum er meirihluti landsmanna á móti aðild að ESB. Það er því ekki skrítið að Samfylkingin lyppist niður. Hún spilar fyrst og fremst eftir skoðanakönnunum.

Það verður gaman að sjá hvaða önnur mál Bjarni og félagar leggja áherslu á.Það skiptir miklu máli hvernig framboðinu tekst að útskýra hugmyndir sínar gegn flokksræðinu og fleira á þeim nótum.