Er stjórn HB Granda ekki í sambandi ?

Það er hreint ótrúlegt að stjórn HB Granda skuli virkilega detta í hug að hægt sé að greiða 8% arð til eigendanna,þegar launþegar hafa samþykkt að fresta sínum launahækkunum. Það hefur komið fram að arðgreiðslurnar nægja til að greiða starfsfólki Granda umsamda kauphækkun í 8 ár.

Það sjá það allir að þetta útspil stjórnar Granda gerir ekkert annað en skvetta olíu á eldinn. Gat þeim virkilega dottið í hug að launþegar gætu tekið þessum fréttum um arðgreiðslur þegjandi.Ef svo er þá er stjórnin ekki í nokkru sambandi við raunveruleikann.

Þetta er svo útúr kortinu hjá stjórn HB Granda að maður hreinlega á ekki orð. Það getur ekki gengið að það sé eingöngu almenningur sem eigi að taka á sig allt tjónið.

Stjórn HB Granda verður að afturkalla þessa ákvörðun sína eða hækka laun sinn starfsmanna um það sem gert er ráð fyrir í samningum núna strax.

Launamálin endurmetin

Athugasemdir

[Jón Tynes (IP-tala skráð) 17.3.2009 kl. 11:19]

Það vantar peninga í hvalaævintýri Kristjáns Loftssonar. Þar auki er spurning um sjáanlega peninga til að standa undir þyrlurekstri Ólafs Ólafssonar.

[Ína (IP-tala skráð) 17.3.2009 kl. 16:01]

Þeir hljóta að hækka laun starfsfólksins strax, annað er ekki forsvaranlegt. Þetta finnst mér alveg ekta spilling. Fyrst á að borga þeim sem skapa auðinn svo má borga eigendum einhven arð. Ég hélt bara að fjárhagsstaða sjávarútvegsfyrirtækja væri það slæm að allar arðgreiðslur þyrftu að bíða.