Steingrímur J: Ekki ganga í ESB. Jóhanna: Verðum að ganga strax í ESB. Er það trúverðugt að Samfylking og Vinstri grænir myndi næstu ríkisstjórn.

Ég var að hlusta á leiðtoga stjórnmálaflokkanna í sjónvarpinu. Það kom greinilega fram í þessum viðræðum að Steingrímur J. og Jóhanna neita að segja þjóðinni hvernig þau ætla sameiginlega að leysa málin gagnvart Evrópusambandinu.

Jóhanna Sigurðardóttir segir að stærsta hagsmunamál þjóðarinnar sé að sækja sem fyrst um aðild að Evrópusambandinu. Það sé leiðin til að koma þjæopfélaginu á réttan kjöl. Áðild að ESB mun sem sagt leysa öll okkar mál. Jóhanna svaraði ekki spurningunni hvort hún væri tilbúin að fórna yfirráðum okkar á fiskveiðum,kandbúnaði og öðrum auðlindum.

Það kvað aldeilis við annan tón hjá Steimgrími J.formanni VG, krónan verður okkar gjaldmiðill mörg næstu árin. Það þjónar ekki okkar hagsmunum að sækja um aðild að ESB.

Það er ekki bara smá munur á stefnu Samfylkingar og Vinstri grænna á þessu stóra máli. Munurinn er algjör. Annars vegar segir Samfylkingin,við verðum að sækja strax um aðild og hins vegar segja

Vinstri grænir,við eigum ekki að sækja um.

Kjósendur  mega ekki koma þessum tveimur flokkum sem segjast ætla að mynda næstu ríkisstjórn sleppa við það að segja þjóðinni hvernig þeirra sameiginleg málamiðlun verði í ESB málinu.

Það þarf að gerast fyrir kosningar.

Athugasemdir

[Númi (IP-tala skráð) 3.4.2009 kl. 21:45]

Bjarni Ben,formaður sagði  fyrir   Landsfundinn ,,göngum inní ESB.   En þegar til Landsfundar kom þá sagði þessi sami  Bjarni Ben,,,við göngum  ekki  inní  ESB.

[Gústaf Gústafsson, 3.4.2009 kl. 22:45]

Ég er búinn að segja þér áður Sigurður, en get alveg sagt það aftur: Íslenska þjóðin fær að ráða þessu, þ.e. kosning um málið. Þetta er einfalt.

Það er enginn ágreiningur um annað. Heldurðu að Jóhanna og minn maður Steingrímur láti lýðræðið ekki ráða? Ef þú heldur það, þá hefurðu verið að labba ranga slóð.

Annars fannst mér Addi Kidda Gau koma sterkur út í þessari umræðu. Hann er greinilega að verða meira meðvitaður um fólkið í landinu og kemur með alvöru lausnir.

Svo er það greinilegt að Bjarni Ben þarf að ,,hrærast" aðeins betur ef hann ætlar að kalla sig alvöru ,,skyr", enda hrærði Steingrímur aðeins í honum. En kannski skortir Bjarna Ben reynslu, kannski hefði Akureyringurinn verið betri í svona karp.

kveðja að vestan.  

[Sigríður Jósefsdóttir, 3.4.2009 kl. 23:15]

Það er nokkuð ljóst að annað þeirra lýgur.  Hvort þeirra það er veit ég ekki.  Hitt veit ég, að Samfylkingunni er ekki treystandi til eins né neins.  Ég vildi gjarna fá að vita hver veitti Ingibjörgu Sólrúnu umboð til að babbla við utanríkisráðherra úti í Evrópu um mögulega aðild Íslendinga.  Eða hvað hefur henni verið boðið fyrir fullveldi Íslendinga?  Samfylkingarmenn geta haldið því fram svo lengi sem þeir vilja að ESB aðild skerði ekki fullveldið, en það er ljóst að þjóð sem getur ekki gert sína eigin milliríkjasamninga, og þarf að lúta lagaboðum sem samin eru í Brussel, sú þjóð hefur glatað fullveldinu.

[Ína (IP-tala skráð) 3.4.2009 kl. 23:58]

Það verður farið í aðildarviðræður bráðlega. VG hafa sagt það að þetta sé í höndum þjóðarinnar. Til þess að geta kosið um ESB þá þurfum við að hafa samning í höndunum. Við kjósum ekki um samning sem við höfum ekki lesið og vitum ekki hvernig er. Einfalt, það er þjóðin sem á að ráða. VG veit það.

[Sigurður Jónsson, 4.4.2009 kl. 00:24]

Aðalatriðið í málinu er að Samfylking og Vinstri grænir hafa sagt að þessir flokkar ætli sér að halda áfram stjórnarsamstarfinu eftir kosningar fái þeir til þess meirihluta.Það hlýtur því að vera grundvallaratriði að kjósendur fái að vita hvert þeirra samkomulag er um ESB málin.Samfylkingin hefur dregið upp þá mynd að það sé okkar stærsta hagsmunamál og þoli ekki neina bið að ganga´til aðildarviðræðna við ESB. Þeir hafa bllásið á tillögur VG að fyrst þurfi að efna til þjóðaratkvæðagreiðslu hvort þjóðin vilji óska eftir aðildarviðræðum.

Ætli þessi flokkar að vinna saman í ríkisstjórn að það er alveg ljóst að grundvallarmunur er á stefnu flokkanna í ESB málum. Annar hvor flokkurinn hlýtur að þurfa að gefa eftir eða semja um málamiðlun. Þjóðin hlýtur að eiga rétt á að fá að vita svarið fyrir kosningar.

[Baldur Hermannsson, 4.4.2009 kl. 01:30]

ESB mun ekki verða þessari stjórn að falli.

[Gústaf Gústafsson, 4.4.2009 kl. 01:51]

Ef það er sannfæring þin Sigurður að annar hvor flokkurinn þurfi að gefa eftir, hvor flokkurinn heldur þú að það verði?

Segðu nú alveg satt! Heldurðu að VG gefi EB efir?

Ekki nema þjóðin vilji það! Og er rangt að láta þjóðina ráða?

Sigurður hvað segirðu, á þjóðin ekki að ráða?

Kveðja að vestan.

[Númi (IP-tala skráð) 4.4.2009 kl. 10:42]

Góðan daginn, Sigurður.Þú segir nokkuð , já hvað ætla þessir flokkar að gera gagnvart ESB spyr þú.   Þá spyr ég þig á móti .  Hvað ætlar Sjálf-stæðis-FLOKKURINN,að gera hver er stefna hans gagnvart ESB::inn út   inn út  inn út,,þetta segir allavega allsherjarforingin ykkar Bjarni Ben ,hvað er að marka þessar furðuskoðanir hans.Vonandi er það svo að hann hugsi ekki fyrir allan FLOKKINN,en þó, það væri bara í fínu lagi ef svo væri,því tálgunin á atkvæðum til ykkar gengur vel,þjóðinni í hag.Reyndar þekki ég þónokkra ágætis Sjálfstæðismenn sem segjast þora að hafa sínar skoðanir og sérstæðu hugsanir.Í þeirra eyrum eru það ekki lög sem að forystan í FLOKKNUM segir.Það kallast lýðræði að þora að vera á öndverðum meiði gagnvart Forystu FLOKKS síns,það þora nokkrir sjálfstæðismenn sem ég þekki. Mín persónulega skoðun gagnvart ESB er sú að þangað höfum við EKKERT að gera.

[Haraldur Hansson, 4.4.2009 kl. 13:39]

Umsókn um aðild að ESB er ekki eitthvað djók heldur formlegur gjörningur. Enginn einn stjórnmálaflokkur getur tekið ákvörðun um slíkt. Til þess þarf umboð frá þjóðinni. Ef litið er yfir kommentin hér að ofan má sjá að Gústav vill, Sigurður vill ekki, Ína vill, Sigríður vill ekki ... þannig er þetta um allt samfélagið.

Til að hafa samning að kjósa um, þarf að semja.

Til að semja, þarf að fara í aðildarviðræður.

Til að fara í viðræður, þarf að sækja um aðild.

Til að sækja um aðild, þarf meirihluti þjóðarinnar að vilja það.

Kosningarnar 25. apríl snúast um hrunið, efnahaginn, viðbrögðin og skrefin fram á við. Það að Samfylkingin sjái inngöngu í Evrópusambandið sem svar við flestum spurningum þýðir ekki að kosningarnar snúist um inngöngu.

Eina leiðin er að kjósa um það í þjóðaratkvæði hvort þjóðin vilji leggja inn umsókn og ganga til samninga. Ef meirihlutinn segir já, þá gerum við það. Annars ekki, það er ekki flókið. Til þess er lýðræðið. Að hefja viðræður án formlegs umboðs frá þjóðinni á ekki að koma til greina.

Það verður hvort sem er ekkert samið um inngöngu fyrr en 2011 (sbr. yfirlýsingar Þjóðverja og Frakka) svo okkur er hollt að nýta tímann, vanda til verka og undirbúa málið af kostgæfni. Ég efast ekki um að þegar vönduð kynning hefur farið fram á öllum þáttum málsins, Lissabon samningurinn þá meðtalinn, mun yfirgnæfandi meirihluti þjóðarinnar segja nei. Þar með getum við sparað okkur allar viðræður, enda eigum við ekkert erindi í ESB.

[Sigurður Jónsson, 4.4.2009 kl. 14:13]

Samfylkingin getur ekki bakkað með sína sterfnu miðað við það sem flokkurinn hefur sagt. Minni á að Samfylkingin sagði að samstarfi við Sjálfstæðisflokkinn væri búið ef flokkurinn myndi ekki samþykkja aðiuldarviðræður við ESB.

Það liggur því alveg ljóst fyrir að VG verður að bakka eða þá að ekkert er að marka yfirlýsingar Samfylkingarinnar.

Eðlilegast finnst mér að láta fyrst kjósa um það hvort kjósendeur vilji hefja viðræður við ESB eða ekki.

Ég ítreka það að Samfylkingin og Vinstri grænir mega ekki komast upp með það að ætla ekki að láta neitt uppi fyrir kosningar um hvaða leið þau ætli að velja sameiginlega í ESB.

[Hilmar Dúi Björgvinsson, 4.4.2009 kl. 14:19]

En hvaða leið ætlar Ránfuglinn að fara í ESB málum? Bjarni segir "inn og þá út-þetta er rugl þú fyrirgefur"

[Alma Jenny Guðmundsdóttir, 4.4.2009 kl. 14:44]

Sigurður það verður auðvitað lagt fyrir þjóðina - hvort hún gangi í ESB.

Hvorugur flokkurinn VG eða Samfylking ætlast til þess að tveir einstaklingar svari þessari spurningu fyrir alla landsmenn!

Þú gengur út frá því sem gefnu að þessir flokkar VG og Ssamfylking - noti vinnubrögð Sjálfstæðisflokksins.

Þú getur sparað þér þær áhyggjur - það mun aldrei verða að þessir flokkar nýti v9nnubrögð Sjálfstæðismanna.  Það er að verða gagnger breyting alls staðar í heiminum, varðandi þetta frjálshyggjuprump!

Og hver lætur uppi um hvað?  Hafa ekki sumir sveitarstjórar komist upp með að láta allt uppi?