Bandaríkin friðardúfa í stað alheimslöggu?

Það væri virkilega óskandi að Bandaríkjamenn undir forystu Obama tækju að sér hluverk friðardúfunnar í stað þess að líta á sig sem einhverja alheimslöggu. Bandaríkin hafa á síðustu árum glatað miklu trausti meðal þjóða heimsins.Sífelld afskiptasemi af innanríkismálum sumra þjóða hefur ekki fallið í góð'an jarðveg hvorki heimafyrir hjá bandaríkjamönnum eða annars staðar. Sagan mun örugglega dæma Bush fyrrverandi forseta hart fyrir innrásina og stríðsreksturinn í Írak.

Vonandi er nú að renna upp nýr og betri heimur með tilkoma Obama. Það væri allavega betra að Bandaríkin beittu sér fyrir friði heldur en standa í sífelldum stríðsrekstri.

Obama vongóður um frið í Mið-Austurlöndum

Athugasemdir

[Þorgeir Ragnarsson (IP-tala skráð) 2.6.2009 kl. 12:01]

Ég veit ekki á hverju þessar vonir þínar byggjast. Obama er ófær um að ganga frá í Írak og hefur í hyggju að þenja frekar út átökin í Afganistan. Þar að auki hefur hann reynst alls ófær um að taka á bankaspillingunni (sem þrífst miklu víðar en á Fróni), hann prentar bara fyrir þá ca. 1.000 miljarða dollara. Jafnvel það að loka Guantanamo búðunum og að taka á pyndingaskandalnum virðist ætla að verða honum ofviða. Kerfið virðist valdameira en forsetinn...

[Axel Jóhann Hallgrímsson, 2.6.2009 kl. 12:05]

Bandaríkjamenn hafa ætíð haft sérstakt lag á að sjá hernaðaraðgerðir þeirra, vítt og breitt um heiminn, sem friðaraðgerðir (saving lives!). Flestum þjóðum öðrum hefur gengið misjafnlega að sjá málin í því ljósi.

Bandaríkjamenn hafa kunnað eða lært að sjá hlutina með augum annarra, vafasamt að það breytist með Obama.

[Axel Jóhann Hallgrímsson, 2.6.2009 kl. 15:18]

Bandaríkjamenn hafa aldrei kunnað eða lært að sjá hlutina ...   átti þetta að vera.