Rekstrarhalli margra sveitarfélaga mikill.Skeiða-og Gnúpverjahreppur rekinn með hagnaði árin sem ég var sveitarstjóri.

Ársreikningar sveitarfélaga eru nú að birtast. kemur fram hjá mörgum sveitarfélögum að verulega hallar á í rekstrinum og eru mörg sveitarfélög nú rekin með miklum halla. Sveitarfélög sem fóru út í að taka mikið af erlendum lánum lenda illa í því. Sveitarfélög sem seldu fasteignafélögum eignir sína og leigja síðan eignirnar fara illa út úr því. Mörg sveitarfélög hafa aukið reksturinn gífurlega og sjá nú fram að þurfa að skera verulega niður.

Athyglisvert er einnig að skoða að mörg sveitarfélög sem hafa sameinast hafa síður en svo náð fram neinni hagræðingu og á þetta sérstaklega við hjá stórum sveitarfélögum.

Ég sé að sveitarstjórn Skeiða-og Gnúpverjahrepps afgreiddi ársreikning ársins 2008 í dag. Það ár skilaði reksturinn hagnaði eins og hann gerði einnig árin 2006 og 2007. Þetta sýnir að sveitarfélagið var vel rekið.

Á þessum árum var ekkert nýtt lán tekið og samt unnið að nokkrum ágætum framkvæmdum s.s. í grunnskóla,leikskóla,bókasafni og félagsheimili auk ágætis átaks í fráveitumálum.

Það er ánægjulegt að hafa verið sveitarstjóri á þessum árum og hafa ávallt náð að skila jákvæðri niðurstöðu. Það munu örugglega mörg sveitarfélög óska þess að vera í þeirri stöðu núna.

Athugasemdir

[Hörður H (IP-tala skráð) 3.6.2009 kl. 00:03]

Það væri ekki gaman að yfirgefa allt í rúst.Þú ert ekki sá fyrsti sem lendir í að þurfa að hætta þrátt fyrir ágæta frammistöðu.Í pólitík og líka í atvinnulífinu eru stundum furðuleg persónupólitík í gangi.