Voru bankastjórarnir á allt of lágum launum?

Nú held ég að almenningur fái mikið samviskubit eftir að hafa lesið fréttir af lántökum fyrrverandi bankastjóra Landsbankans. Ég og trúlega flestir hafa hingað til staðið í þeirri trú að bankastjórarnir hafi bara verið á nokkuð þokkalegum launum. Nú virðist hið aggnstæða vera að koma í ljós. Svo slæm hafa kjörin verið að þessir vesalings láglaunamenn þurftu að taka tugm,illjóna kúlulán til að geta haldið sér uppi. Ekkert þurfti að hafa áhyggjur af afborgunum eða vaxtagreiðslu næstu 20 árin.

Já það er mikil skömm að því fyrir íslenska þjóð að hafa farið svona illa með topp embættismenn þjóðarinnar að hafa látið þá hafa svo léleg laun að þeir þurftu að grípa til svona örþrifaráða að fá kúlulán til að geta lifað sómasamlegu lífi næstu 20 árin.

Ég er alveg sannfærður um að hefði þjóðin gert sér grein fyrir hversu illa var farið með bankastjkórana hefði í stað mótmæla veriðö gripið til almennrar söfnunar þessum höfðingjum til hjálpar.

Fékk 70 milljóna lán

Athugasemdir

[Sigríður B Svavarsdóttir, 15.6.2009 kl. 12:52]

Launin voru allt af há, þeir sem fá of háar tölur vilja meira..Það er staðreyndinn.

[Snorri Magnússon, 15.6.2009 kl. 16:14]

Sammála þér Sigurður! 

Mér líður svakalega illa í sálinni að vita þetta allt saman núna.  Svo illa reyndar að ég hreinlega skammast mína bara líka ofan á allt saman!  Svo er aumur almúginn að agnúast yfir því að hann fái lága vexti (lægri en allir aðrir) og þurfi ekkert að borga af gumsinu í tuttugu ára.  Minna gæti það nú varla verið fyrir blessaðan manninn vegna þeirra lúsarlauna og lélegu fríðinda sem hann hafði út úr vinnu sinni..........