Ætlaði Ólafur Ragnar ekki að afnema orðuveitingar?

Ólafur Ragnar boðaði það á sínum tíma að hann ætlaði sér að afnema orðuveitingar eða allavega gera grundvallarbreytingar. Ekki hefur blessaður karlinn nú staðið við það heldur ef eitthvað er bætt í. Hvað ætli hann sé eiginlega búinn að veita margar orður í sinni forsetatíð.

Persónulega finnst mér eðlilegt að veittar séu orður fyrir einstök afrek,hvort sem það er á listasviði eða fyrir íþróttir og að sjálfsögðu fyrir björgunarafrek.

En að veita orður fyrir það að hafa stundað sína vinnu er á gráu svæði. Hvernig er eiginlega hægt að taka einhvern útúr hópnum og segja, þú hefur nú staðið þig vel í vinnunni og átt skilið að fá fálkaorðu. Hvers vegna ekki maðurinn eða konann við hliðina? Hvernig er einnig hægt að gera upp á milli starfa. Öll störf eru jú jafn mikilvæg til að þjóðfélagið virki.

Það er því rétt sem Ólafur Ragnar sagði á sínum tíma að það þyrfti að endurskoða þessar orðuveitingar. En það var nú þá. Ólafur Ragnar sagði svo margt áður en hann varð forseti, en svo breyttist allt eftir að hann settist á Bessastaði.

Kannski á eftir að koma forseti sem segir að breyta þurfi þessum orðuveitingum og stendur við það.

Tíu sæmdir fálkaorðunni