Er hægt að treysta Samfylkingunni,sem vill alls ekki styggja ESB þjóðirnar.

Þingmenn þjóðarinnar hljóta að þurfa að hugsa sig vel um áður en Icesave samningsdrögin verða samþykkt á Alþingi. Samningsdrögin hljóta að þurfa að fá verulega umræðu bæði innan þings og utan.

Það gengur ekki ef við erum hugsanlega að fórna auðlindum okkar. Það verður að vera alveg á tæru að erlendar þjóðir geti ekki gengið að okkar auðlindum verði staðan þannig eftir 7 árin að við getum ekki borgað.

Ekki er það traustvekjandi að breskir dómstólar eigi að fara með málið komi upp ágreiningur.

Ekki finnst manni heldur þeirri spurningu verið svarað hvort okkur beri lagaleg skylda til að greiða þessar gífurlegu upphæðir vegna Icesave reikninganna.

Icesave-samningar birtir í dag

Athugasemdir

[Sigurður M Grétarsson, 18.6.2009 kl. 20:58]

Það er eitt, sem ég hef hvergi séð koma fram hér varðandi þetta mál. Þegar Alþingi ákvað að láta alla íslenska innistæðueigendur fá sínar innistæður greiddar í topp þá var ekki ákveðið að fjármagna það með peningum frá íslenska ríkinu heldur var það tekið úr þrotabúinu. Þar með varð minna eftir fyrir aðra innistæðueigendur. Þetta er ekkert annað en þjófnaður úr þrotabúi. Tökum einfalt dæmi um þetta.

Það eru þrír innistæðueigendur í bankanum. Einn íslenskur og tveir erlendir. Allir eiga þeir 12 milljónir í bankanum eða samtals 36 milljónir. Nú fer bankinn á hausin. Eignur þrotabúsins og það, sem fæst úr tryggingasjóði innistæðueigenda eru 18 milljónir eða helming af eignum innistæðueigenda.

Að öllu eðlilegu ættu þá allir innistæðueigendurnir að fá helmingin af sínum innistæðum eða 6 milljónir kr. hver. Það gerist hins vegar ekki vegna þess að Alþingi íslendinga hefur ákveðið að íslendingurinn eigi að fá sínar 12 milljónir greiddar að fullu úr þrotabúinu. Þar með eru aðeins 6 milljónir eftir fyrir hina tvo og fá þeir því 3 milljónir hvor eða fjórðung sinnar innistæðu þó nást hafi inn fyrir helmingi innistæðna úr þrotabúinu og tryggingasjói innistæðueigenda.

Það er því ekki ríkissjóður Íslands eða einhverjir aðrir aðilar á Íslandi, sem fjármögnuðu þessar 6 milljónir, sem Íslendingurinn fékk umfram það, sem var hans hlutur úr þrotabúinu og tryggingasjóði innistæðueigenda heldur voru það erlendu innistæðueigegndurnir, sem gerðu það.

Það var nákvæmlega svona, sem það var fjármagnað að greiða íslenskum innistæðueigendum sínar innistæður í topp. Ætlar einhver virkilega að segja að það sé sanngjarnt að gera þetta svona og neita síðan að taka þátt í að bæta erlendu innistæðueigendunum muninn á því, sem þeir hefðu fengið ef innistæðueigendum hefði ekki verið mismunað með þessum hætti? Er þetta ekki klár þjófnaður úr þrotabúi? Er það ekki eðlileg krafa að íslenska ríkið greiði kostnaðinn við þá ákvörðun Alþingis að íslenskir innistæðueigendur fengju sitt greitt í topp burtséð frá því hvort það næðist fyrir öllum innistæðum úr þrotabúinu? Er það boðleg framkoma að láta erlendu innistæðueigendurna borga brúsann?

Höfum þetta í huga áður en við förum að ætlast til þess að íslensk stjórnvöld sýni erlendu innistæðueigendunum puttann og segi þeim að þeir geti bara fengið það, sem eftir stendur í þrotabúinu og tryggingasjóði innistæðueigendi eftir að búið er að greiða íslensku innistæðueigendunum í topp. Það er það sama og að segja að íslensk stjórnvöld ákveðið að gera okkur, sem þjóð að þjófum.