Minnir á varaformannskjör hjá Samfylkingunni.

Já,þeim finnst þetta litlu máli skipta í Íran. Sú var tíðin að í Sovétríkjunum var kosningaþátttakan alltaf 100% og frambjóðandi flokksins fékk svona 99,8% atkvæða. Þeir í Íran virðast hafa haft smá hliðsjón af þessu nema hvað þeir fara aðeins framúr sér, þannig að fleiri atkvæði komu í ljós heldur en voru á kjörskrá. Þetta er einstakur skilningur á því hvernig lýðræði á að virka eða hvað?
Í þessu sambandi kom upp í hugann varaformanns kosning hjá Samfylkingunni þegar Ágúst Ólafur var kosinn varaformaður en Lúðvík Bergvinsson sat eftir með sárt ennið.

Þá kom í ljós að stuðningsmenn Ágústs höfðu verið svo duglegir að safna fólki til að kjósa að þó nokkuð fleiri kusu en voru fulltrúar á fundinum.

Ekki veit ég hvort þeir í Íran hafa heyrt af þessu trixi hjá Samfylkingunni en allavega datt ráðamönnum Írans í hug að grípa til þessa snjallræðis til að ná kosningu.

Fleiri atkvæði en kjósendur