Össur: Við þurfum engar undanþágur frá stefnu ESB í sjávarútvegsmálum. Er ekki allt í lagi?

Alveg er ótrúlegt að Össur Utanríkisráðherra skuli gefa út yfirlýsingu um að við íslendingar þurfum engar undanþágur frá sjávarútvegsstefnu ESB. Ég er sannfærður um að mikill meirihluti Íslendinga er á þeirri skoðun að við megum aldrei fórna yfirráðarétti okkar á sjávarútveginum. Það er einkennileg útspil hjá Utanríkisráðherra að gefa þessa yfirlýsingu áður en samningaviðræður við ESB hefjast. Össur er sá aðili sem fer með samningsumboð fyrir hönd ríkisstjórnarinnar. Eru það ekki einkennileg skilaboð til samninganefndamanna ESB að segja fyrirfram að við þurfum engar undanþágur varðandi okkar sjávarútveg.

Það mun ekki taka langan tíma að semja við ESB ef viðhorf Össurar eiga að ráða. Það kemur nú greinilega í ljós það sem margir óttuðust að Samfylkingin er tilbúin að fórna öllu bara til að við getum setið í fanginu á ESB.

Það má aldrei gerast að við fórnum sjávarútveginum til ESB.

Athugasemdir

[Óðinn Þórisson, 19.7.2009 kl. 13:33]

Nú þegar hefur þessi vinstristjórn hefur sýnt fram á það með afgerandi hætti með því að slá " gjaldborg " um heimilin en " skjaldborg " um völdin að þeim er ekki treystandi.

Össur og hans fólk í SF eru bara með það eitt á sinni stefnuskrá að troða okkur inn í ESB hvað sem það kostar þjóðina og annað má bíða - Össur mun skrifa undir hvað sem að honum er rétt gagnrýnislaust - bara að það feli í sér aðgöngumiða inn í ESB -

[Atli Hermannsson., 19.7.2009 kl. 15:46]

Sæll Sigurður. Ég held að þið andstæðingar ESB ættuð að taka ykkur tak og lista upp þau atriði sem þið vitið fyrir víst að við getum ekki sætt okkur við og vonlaust sé að við getum samið um við ESB að ykkar mati.

Kíkkaðu á síðuna mína, en þar er nokkurra daga gamalt efni þessu tengt.  

En ég hef engar áhyggjur að sjávarútveginum enda þekki ég hann út og inn.... landbúnaðinn er miklu mikilvægari og áríðandi að við semjum ekki af okkur þar.