Þurfa þingmenn að blása í blöðru áður en þeir fara í ræðustól?

Virðing Alþingis hefur oft verið lítil meðal íslensku þjóðarinnar og ekki bætir nýjasta uppákoman á það.Nú er rætt um hvort ákveðinn þingmaður hafi verið undir áhrifum áfengis eða ekki þegar hann var í ræðustóli á Alþingi.Já, ástandið er orðið slæmt á hinu háa Alþingi ef svo er komið að það verði að láta þingmenn blása í blöðru til að kanna hvort þeir séu hæfir til að flytja ræður úr þingfundum.

Mér varð hugsað til þess, hvernig ætli Sigmundir Ernir hefði tekið á svona máli þegar hann vann á Stöð 2. Það hefði örugglega orðið mikil hasarfrétt að maður tali nú ekki um ef Sjálfstæðismaður hefði átt í hlut. En kannsi er það svo í þessu máli eins og mörgum öðrum að það gegnir öðru máli ef það er Samfylkingarmaður sem á í hlut.

Athugasemdir

[Axel Jóhann Hallgrímsson, 26.8.2009 kl. 00:30]

Ég velti því fyrir mér Sigurður hvernig þetta blogg hefði litið út, hefði um Sjálfstæðismann verið að ræða, það hefði sennilega ekki verið skrifað. Þú svarar þér ansi vel sjálfur í síðustu setningunni.

[Þórólfur Ingvarsson, 26.8.2009 kl. 07:43]

Ég sé hann alveg fyrir mér segja þessa frétt ef Sjálfstæðismaður ætti í hlut, búinn að færa fréttina í góðan æsifréttabúning.

Hann þrætir fyrir þetta og verður ekki í vandræðum með að ljúga sig útúr þessu

[Sigurður Sigurðsson, 26.8.2009 kl. 10:23]

Þú hefur lög að mæla nafni.  Þvílík skömm fyrir þingmanninn - af myndbrotinu að dæma er ekki hægt að draga aðra ályktun en að maðurinn sé blindfullur.  Svo virðist einhver hafa komið fram á blogginu og séð hann fyrr um daginn hella vel í sig á einhverju golfmóti MP ??  hvort sem það er nú satt eður ei.

En aðalatriðið er að maðurinn varð sér til skammar.  Sigmundur var ekki lengi að rústa stuttum og slöppum þingmannsferli sínum.

En Axel Jóhann skilur þetta greinilega ekki - sennilega með flokksskírteini Samfylkingarinnar í veskinu !!!

[Guðmundur 2. Gunnarsson (IP-tala skráð) 26.8.2009 kl. 12:25]

Semsagt. Axel hér fyrir ofan er þá harður á, að af því að Sigmundur er Samspillingarþingmaður þá á né má ekki segja opinberlega frá þessari fáráðlegu uppákomu mannsins.

 "Samspillingin sér um sína!", -  segir máltækið.

[Jón Garðar (IP-tala skráð) 26.8.2009 kl. 13:49]

Simmi hafði nú einhverntíman viðurnerfnið "Hooverinn" og mun þar vísað í eitthvað annað en áfengisneyslu.

[Sigurður Bogi (IP-tala skráð) 26.8.2009 kl. 17:48]

Nú væri gaman að rifja upp ræðu Davíðs Oddssonar þegar hann tók á móti briddsurunum í Leifsstöðum, heimsmeisturunum, haustið 1991. Menn hafa úr háum söðli að detta, hvar sem þeir í flokki standa.

[Sigurður Þór Guðjónsson, 26.8.2009 kl. 18:20]

Það versta við þetta mál, frá sjónarmiði reglumanna, er að það eigi að skipta máli í hvaða flokki þingmaður er sem mætir undir áhrifum áfengis í ræðustól á alþingi.

[Axel Jóhann Hallgrímsson, 26.8.2009 kl. 18:30]

Sigurður, þegar fyrra innlegg mitt var skrifað þá var það sannfæring mín að þetta mál væri allt á misskilningi byggt og uppbyggt af fláráðum mönnum. Nú hefur komið í ljós að svo var alfarið ekki, þótt ekki séu enn öll kurl komin til grafar í þessu máli. Ég dreg því fyrra innlegg mitt um málið til baka og biðst velvirðingar á þeim orðum.