Já ráherra í Fjármálaráðuneytinu. Furðufréttir af sinnuleysi gagnvart japönskum fjárfestum.

Fyrir nokkrum árum var sýndur skemmtilegur ádeiluþáttur í sjónvarpinu sem hét: Yes minester. Þar var dregin upp skemmtileg mynd af því að það voru raunverulega embættismennirnir sem öllu réðu,en létu samt ráðherrann standa í þeirri trú að hann hefði eitthvað segja.

Samkvæmt fréttum síðustu daga virðist eitthvað svipað eiga sér stað í Fjármálaráðuneytinu nema hvað Steingrímur J. fékk bara ekkert að vita af málinu.

Fjölmiðlar greina frá því að strax í nóv.s.l. hafi komið sterkir fjárfestar frá Japan og viljað kaupa einn af föllnu bönkunum auk annarra fjárfestinga. Árni M. kannast við að hafa rætt við Japanana og síðan hafi málið lent hjá  embættismönnum.

Sagt er frá því að af og til hafi verið spurt út í hvaða liði að svara erindinu. Steingrímur J. kemur af fjöllum og segist aldrei hafa heyrt af málinu.

Er það nú ekki  full mikið vald sem embættismenn ráðuneytisins taka sér að láta mál sem hefði getað skipt miklu detta í ruslafötuna.

Í staðinn fyrir heitið Já,ráðherra í ensku myndunum verður islenska útgáfan væntanlega Nei,ráðherra. Þér kemur þetta ekki við.

Athugasemdir

[Sigurður Þórðarson, 11.9.2009 kl. 11:56]

Það eru eingöngu ríki á EES svæðinu sem mega fjárfesta í orkugeiranum, þannig að þarf ekki að eyða tíma í þetta. Ástæðan fyrir því að Magma fékk að vera með er að þeir eiga skúffufyrirtæki í Svíþjóð. 

[Kolbrún Stefánsdóttir, 12.9.2009 kl. 00:49]

Alveg með ólíkindum svarið hjá Steingrími þegar hann sagði að líklega hefðu þessir 120 milljarðar (minnir mig) bara fallið niður milli borða í ráðuneytinu. Væri ekki ráð að fara að kanna þetta frekar fyrst vantar peninga í landið . Annars er þetta líklega rétt hjá Sigurði að það verður að veðsetja sig ESB annars er bara ekkert varið í þessa kreppu. kveðja Kolla.