Nauðungarsala á 555 fasteignum í Árborg. Er þetta skjaldborgin?

Fréttablaðið hefur eftir Ólafi Helga Kjartanssyni,sýslumanni í Árnessýslu,að 199 fasteignir hafi verið seldar á nauðungarsölu það sem af er þessu ári. Ennfremur að í nauðungarsölumeðferð séu til viðbótar 355 fasteignir.

Fram kemur að ástandið í Árnessýslu er mjög alvarlegt og margir séu hreinlega að gefast upp. Eflaust eru þessar tölur sem hér koma fram svipaðar í öðrum landshlutum.

Svona fréttir af nauðungarsölum hljóta að vekja athygli þegar horft er til þess að eitt helsta kosningaloforð Samfylkingar og Vinstri grænna var að standa vörð um hagsmuni heimilanna. Velferð heimilanna er það sem skiptir öllu var sagt. Við munum slá skjaldborg um heimilin. Æði mörgum og þeim fer fjölgandi sem geta ómögulega komið auga á allar þær aðgerðir sem Vinstri stjórnin segist hafa komið í framkvæmd til bjargar heimilum landsins.

Það er að verða ár frá bankahruninu og ástandið fer sífellt versnandi. Óskandi að framundan sé þannig lausn að hún komi til með að hjálpa heimilum landsins. Það getur ekki verið neinum til góðs ef mikill fjöldi landsmanna sér enga lausn aðra en hreinlega gefast upp. Það getur ekki verið góð lausn fyrir landið ef stór hópur tekur þá ákvörðun að flytja af landi brott.

Auðvitað er all,allt of langur tími liðinn án þess að fólk sjá einhverjar jákvæðar aðgerðir. Við skulum virkilega vona að nú sé framundan kynning á raunhæfum aðgerðum tul hjálpar heimilum landsmanna.

 

Róttækari aðgerðir til handa heimilum